17 სექტემბრიდან ახმეტის, ბაკურიანის და ფოთის მცხოვრებლებს საშუალება აქვთ, ადგილზე მიიღონ კვალიფიციური კონსულტაცია რეგიონში მოქმედი ტურისტული ობიექტების ინტერნეტში განთავსებისა და ონლაინ მართვის მიმართულებით.

კონსულტაციები განკუთვნილია ბიზნესებისათვის ტურიზმისა და მასპინძლობის სფეროდან. კერძოდ - სასტუმროების, სასტუმრო სახლების და გასაქირავებელი ბინების, კვების ობიექტების, ღვინის მარნებისა და სხვა ტურისტული დანიშნულების ობიექტების მეპატრონეებს საშუალება ეძლევათ ადგილზე კითხვებით მიმართონ კონსულტანტს და ინდივიდუალურად მიიღონ მათთვის საჭირო ინფორმაცია, დაარეგისტრირონ საკუთარი ობიექტი Airbnb-ის, booking-ისა და tripadviser-ის ინტერნეტ-პლატფორმებზე, შექმნან და მართონ კონტენტი, რაც, საბოლოოდ, დაეხმარება მათ უკეთ მართონ საკუთარი ბიზნესი, გაზარდონ მომსახურების ხარისხი და მიიღონ მეტი შემოსავალი. 

კონსულტაციები სამივე მუნიციპალიტეტში 18 სექტებერს იწყება და 1 თვეს გასტანს. 

  ახმეტა:  

საკრებულოს შენობა, ჩოლოყაშვილის ქ. #49; 

კონსულტანტი: მანანა ქავთარაძე

სამუშაო დღეები: სამშაბათი, ხუთშაბათი

09:00 – 18:00 სთ.

  ბაკურიანი:

ბაკურიანი, აღმაშენებლის ქ. #8, 

საზოგადოებრივი ცენტრის დარბაზი

კონსულტანტი: თინათინ ყულჯანიშვილი 

სამუშაო დღეები: სამშაბათი, ხუთშაბათი

09:00 – 18:00 სთ.

  ფოთი:

საკრებულოს შენობა, აღმაშენებლის ქ. #12. 

კონსულტანტი: თათია კვარაცხელია;

სამუშაო დღეები: სამშაბათი, ხუთშაბათი

09:00 – 18:00 სთ.

კონსულტაციები ხორციელდება პროგრამის „ინტერნეტი განვითარებისათვის“ ფარგლებში, რომელიც  წარმოადგენს მსოფლიო ბანკის მიერ დაფინანსებული საქართველოს ეროვნული ინოვაციების ეკოსისტემის პროექტის (GENIE) ერთ-ერთ კომპონენტს. პროექტს ახორციელებს  საქართველოს ეკონომიკისა და მდგრადი განვითარების სამინისტროს დაქვემდებარებაში მყოფი სსიპ „ინოვაციების და ტექნოლოგიების სააგენტო“.

(NS)

ავტორი: ,

სოციალური ქსელები

ვინ დააშინა პოლიციის ნაცემი პაპუნა ლოცულაშვილის ოჯახი - რატომ ითხოვს ძმა საზოგადოებრივი ინტერესის მინელებას

აშშ-მ შიო III-სთან შეხვედრაზე ყურადღება გაამახვილა ეკლესიის ისტორიულ მისიაზე, ყოფილიყო ქართველთა შორის შემრიგებლის ხმა

კობახიძემ განკარგულებით სულხან თამაზაშვილს პოლიციის გენერალ-მაიორის წოდება მიანიჭა

რა არის სუპერ ელ-ნინიო (Super El Niño) და დაატყდა თუ არა საქართველოს და მსოფლიოს უჩვეულო კლიმატი