„ნაციონალური მოძრაობის“ ლიდერის, ნიკა მელიას ადვოკატი, გიორგი კონდახიშვილი აცხადებს, რომ ახლა, როდესაც ევროკავშირის მხრიდან გირაოს თანხა გადახდილია, პროკურატურამ თბილისის საქალაქო სასამართლოს შუამდგომლობით უნდა მიმართოს, რომ სასამართლომ აღმკვეთი ღონისძიება პატიმრობა, გირაოთი შეცვალოს.

ადვოკატის თქმით, არც სასამართლოს და არც პროკურატურას დაცვის მხარესთან კომუნიკაცია არ ჰქონია, შესაბამისად ჯერჯერობით უცნობია, როდის გაიმართება სასამართლო პროცესი და როდის დატოვებს საპატიმროს ნიკა მელია.

„პოლიტიკური პატიმრობის დასასრულის გასაღები აქვს ხელისუფლებას. გვაქვს შემდეგი მოცემულობა, რომ პროკურატურამ თბილისის საქალაქო სასამართლოს უნდა მიმართოს შუამდგომლობით და აღნიშნულის შემდგომ, 24 საათის განმავლობაში სასამართლო ვალდებული იქნება იმსჯელოს შუამდგომლობის გადაწყვეტასთან დაკავშირებით.

ჯერჯერობით კომუნიკაცია არ შემდგარა არც სასამართლოსა და არც პროკურატურასთან. არავითარი ზარი ჩვენ არ მიგვიღია. არც პროკურატურას არ გაუკეთებია ოფიციალური განცხადება იმასთან დაკავშირებით, რომ მათ უკვე შუამდგომლობით მიმართეს სასამართლოს, შესაბამისად ჩვენ მოლოდინის რეჟიმში ვართ“, - განაცხადა გიორგი კონდახაშვილმა.

ავტორი: ექსპრესნიუსი,

სოციალური ქსელები

POG: 366-მა მოქალაქემ აშშ-ში თავშესაფრისთვის ჯგუფს მიმართა, ყალბი ქეისები შეადგინეს

Axios: ტრამპი ისრაელის პრემიერ-მინისტრს ლიბანში თავდასხმების გამო აკრიტიკებს

საია-მ ტროტუარზე დგომის საქმესთან დაკავშირებული საჩივარი სტრასბურგში გაგზავნა

შრომის ინსპექციის ანგარიშის მიხედვით, 2025 წელს, სამუშაო ადგილზე 32 ადამიანი გარდაიცვალა