გარემოს დაცვისა და სოფლის მეურნეობის მინისტრის მოადგილემ, ნინო თანდილაშვილმა  ევროპაში უშიშროებისა და თანამშრომლობის ორგანიზაციის (OSCE) ეკონომიკური და გარემოსდაცვითი კომიტეტის თემატურ სხდომაში „კლიმატი და უსაფრთხოება - კლიმატის ცვლილების როლი გარემოსდაცვით გამოწვევებში ” მიიღო მონაწილეობა.

მისასალმებელ სიტყვაში, ნინო თანდილაშვილმა ქვეყანაში კლიმატის ცვლილების, როგორც აღიარებული გამოწვევის შესახებ ისაუბრა და სხდომის მონაწილეებს საქართველოში აღნიშნული მიმართულებით არსებული მდგომარეობა გააცნო. მინისტრის მოადგილემ ყურადღება კლიმატის ცვლილებისადმი სახელმწიფოში არსებული პოლიტიკის მნიშვნელობაზე გაამახვილა.

„მადლობა მინდა გადავუხადო OSCE-ს კლიმატის ცვლილების მიმართულებით გაწეული საქმიანობისთვის. ვფიქრობ, ერთიანი ძალისხმევით შევძლებთ კლიმატთან დაკავშირებული უსაფრთხოების საკითხების ეფექტიანი გადაჭრის გზების მოძიებას“, - განაცხადა ნინო თანდილაშვილმა.

როგორც მინისტრის მოადგილემ აღნიშნა, პარიზის შეთანხმების ფარგლებში, ქვეყანა აქტიურად მუშაობს სათბურის აირების ემისიების შემცირების საკითხებზე. ნინო თანდილაშვილმა კომიტეტის წევრებს ეროვნულ დონეზე განსაზღვრული წვლილის დოკუმენტის (NDC) ძირითადი მიმართულებებიც გააცნო.

ავტორი: NS (სტატია დაფინანსებულია),

სოციალური ქსელები

Bloomberg: რუსი ჩინოვნიკები პუტინს სამხედრო ხარჯების გაზრდის რისკების შესახებ აფრთხილებენ

ირანმა განაცხადა, რომ ისრაელის მიერ „ჰეზბოლაზე“ განხორციელებული თავდასხმების გამო შეერთებულ შტატებთან მოლაპარაკებები შეწყვიტა

ვოლგოგრადის ნავთობგადამამუშავებელმა ქარხანამ დრონებით თავდასხმის შემდეგ წარმოება შეაჩერა

ფაშინიანმა უარყო პუტინის მოთხოვნა ევროკავშირში გაწევრიანებასთან დაკავშირებით დაუყოვნებლივი რეფერენდუმის ჩატარებაზე