გარემოს დაცვისა და  სოფლის მეურნეობის მინისტრის  პირველი მოადგილე  გიორგი ხანიშვილი შპს „სოფლის მეურნეობის ლოჯისტიკისა და სერვისების კომპანიის“ სადემონსტრაციო ნაკვეთზე  იმყოფებოდა, სადაც კარტოფილის მოსავლის აღების პროცესს გაეცნო.

„სოფლის მეურნეობის ლოგისტიკისა და სერვისების კომპანია იბრუნებს თავის ძირითად ფუნქციას, რაც საწარმოო ჯიშთა გამოცდას გულისხმობს. კომპანიამ უკვე მიიღო სათესლე ქერი და სათესლე კარტოფილი, რომელიც აუქციონის მეშვეობით იქნება რეალიზებული.  ჰექტარზე კარტოფილის მოსავლიანობა, მინიმუმ, 35-40 ტონაა,  რაც ძალიან კარგი შედეგია.  და რაც მთავარია, ეს არის  ხარისხიანი პროდუქტი“, -განაცხადა გიორგი ხანიშვილმა.

„სოფლის მეურნეობის ლოჯისტიკისა და სერვისების კომპანიის“ აგრონომის, გიორგი ბერუაშვილის განცხადებით,  ჯიშთა გამოცდის შედეგად, „მარფონა“ დაწინაურებული ჯიშია, რომელმაც სხვადასხვა პერიოდში კარგი  შედეგები აჩვენა როგორც მოსავლიანობის, ასევე ადგილობრივ კლიმატურ პირობებზე მორგების თვალსაზრისით. შპს „სოფლის მეურნეობის ლოჯისტიკისა და სერვისების კომპანია“  სამცხე -ჯავახეთის რეგიონში კარტოფილის 25 სხვადასხვა ჯიშზე დაკვირვებას ახორციელებს.

ახალქალაქის მუნიციპალიტეტში, კარტოფილის სადემონსტრაციო ნაკვეთი 10 ჰა ფართობზეა განთავსებული, სადაც „მარფონას“ ჯიშის კარტოფილის მოყვანა აგროტექნიკური სამუშაოების სრული დაცვით ხორციელდება.

სადემონსტრაციო ნაკვეთში  მიმდინარე სამუშაოებს, მინისტრის პირველ მოადგილესთან ერთად,  „სოფლის განვითარების სააგენტოს“ პირველ მოადგილე ოთარ შამუგია და შპს „სოფლის მეურნეობის ლოჯისტიკისა და სერვისების კომპანიის“ დირექტორი შოთა ჯოგლიძე დაესწრნენ.  

ავტორი: NS (სტატია დაფინანსებულია),

სოციალური ქსელები

მეუფე ზენონი: ქვეყანა კარგავს მოსახლეობის მნიშვნელოვან ნაწილს, შრომისუნარიან თაობებს

მდინარაძე - პეტერ ფიშერი ვერა და ვერ მიხვდა, როგორ უნდა ესაუბროს ქართველ ხალხს, ქართულ სახელმწიფოს და მის არჩევანს

აშშ-ს დელეგაცია: მოვისმინეთ შეშფოთება ოპოზიციის მიმართ მოპყრობაზე 2024 წლის ოქტომბრის მერე

ავალიანის საქმეზე ცრუ ჩვენების მიცემის ფაქტზე არასრულწლოვანს 3 წლით პატიმრობა მიესაჯა