გარემოს დაცვისა და სოფლის მეურნეობის სამინისტროში, სანიტარიული და ფიტოსანიტარიული მიმართულებებით ევროკომისიის ტექნიკური დახმარებისა და ინფორმაციის გაცვლის ინსტრუმენტის (TAIEX) ექსპერტთა მისიის შეხვედრა გაიმართა.

როგორც შეხვედრაზე გარემოს დაცვისა და სოფლის მეურნეობის მინისტრის მოადგილემ, ხატია წილოსანმა აღნიშნა, მისია ითვალისწინებს საქართველო-ევროკავშირს შორის ასოცირების ხელშეკრულებით ნაკისრი ვალდებულებებით გათვალისწინებული საქართველოს კანონმდებლობის ევროკავშირის სამართლებრივ აქტებთან დაახლოების საკითხებში უცხოელი ექსპერტების მხარდაჭერას.

ქართველი სპეციალისტებს უცხოელი ექსპერტები კონსულტაციებს გაუწევენ კონკრეტული სახეობის ცხოველთა დაავადებების, იდენტიფიკაციისა და რეგისტრაციის სისტემის დანერგვისა და კვების უსაფრთხოების მიმართულებებით.

ექსპერტთა მისია საქართველოში, შესაბამის სამსახურებთან შეხვედრებს 4 ოქტომბრის ჩათვლით გამართავს.

შეხვედრას ლიტვაში, კვებისა და ვეტერინარული მომსახურების დარგში, საგანგებო სიტუაციებზე პასუხისმგებლობის განყოფილების ხელმძღვანელი მარიუს მასიულისი, ლატვიაში, ვეტერინარული მეთვალყურეობის განყოფილების დირექტორის მოადგილე ედვინს ოლსევსკისი, ექსპერტი კვების ჰიგიენის სფეროში ნიდერლანდებიდან, რონ დვინგერი, სურსათის ეროვნული სააგენტოს ხელმძღვანელი ზურაბ ჩეკურაშვილი და სამინისტროს სისტემაში შემავალი შესაბამისი უწყებების  წარმომადგენლები ესწრებოდნენ.

(NS)

ავტორი: ექსპრესნიუსი,

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის