უზენაესი სასამართლოს უვადო მოსამართლეობის კანდიდატი, შოთა გეწაძე მიიჩნევს, რომ ექსტრემალური ვითარების გარდა, აბორტი უნდა აიკრძალოს.

მისი აზრით, აბორტი ნებადართული უნდა იყოს მხოლოდ იმ შემთხვევებში თუ : თუ ნაყოფის ჯანმრთელობას უქმნის საფრთხეს, თუ დედის ჯანმრთელობას უქმნის საფრთხეს, თუ ნაყოფის ჩასახვა გაუპატიურების ან ინცესტის გზით მოხდა. 

მოსამართლეობის კანდიდატს აბორტის აკრძალვასთან დაკავშირებით კითხვა ფრაქცია "ნაციონალური მოძრაობის" თავმჯდომარემ რომან გოცირიძემ დაუსვა.

"აბორტის ტოტალურ აკრძალვაზე მე არ ვსაუბრობ. პირიქით, მე ამის წინააღმდეგ გამოვდივარ. მე დავწერე, რომ აბორტის სრულად აკრძალვა არის გულუბრყვილობა, არ შეიძლება. არცერთ ქვეყანაში არ გაამართლა, გადაინაცვლა იატაკქვეშეთში. თუ ნაყოფის ჯანმრთელობას უქმნის საფრთხეს, თუ დედის ჯანმრთელობას უქმნის საფრთხეს, თუ ნაყოფის ჩასახვა მოხდა გაუპატიურების გზით, ინცესტის გზით, ასეთ დროსაც ვეთანხმები", - განაცხადა გეწაძემ. 

მის პასუხზე დეპუტატმა შემდეგი რეპლიკა თქვა: "ანუ ექსტრემალური ვითარებების გარდა აბორტი უნდა აიკრძალოს?".

"დიახ, რა არის ამაში უცნაური?!", - მიუგო უზენაესი სასამართლოს მოსამართლეობის კანდიდატმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის