როგორც ქუხს ისე არ წვიმს - არავის არავინ გაურიცხავს, - ამის შესახებ უმრავლესობის წევრმა, ნუკრი ქანთარიამ პარტიის ოფისში შეხვედრის დასრულების შემდეგ ჟურნალისტებს განუცხადა.

როგორც მან აღნიშნა, თანაგუნდელებმა მნიშვნელოვანი და მწვავე საკითხები განიხილეს.

„როგორც ქუხს ისე არ წვიმს მოგეხსენებათ და ასეა ამჟამადაც, იყო საუბარი პარტიის თავმჯდომარესთან გარკეული ჯგუფის. შეხვედრა იყო ძალიან საქმიანი, გულწრფელი და ძალიან ბევრ პრობლემებზე მოხდა პირუთვნელი საუბარი და ბევრ რამეზე შევჯერდით, დანარჩენ წვრილმანებზე ვერაფერს გეტყვით.

არავის არავინ გაურიცხავს და ეს საკითხი არ იყო განხილვის თემა, იყო სხვა ძალიან მწვავე პრობლემები, რომელიც არის და ჩვენ ამაზე ინფორმაციაც გავიგეთ და ასევე პარტიის თავმჯდომარე აპირებს რომ უმრავლესობის სხვა ჯგუფებსაც შეხვდეს. დღევანდელ შეხვედრაზე სასამართლოზეც იყო საუბარი, ასევე განათლებაზე, კულტურაზე და საერთოდ უმრავლესობის მომავალზე“, - განაცხადა ქანთარიამ.

ამასთან, ჟურნალისტების კითხვაზე, რომ თითქოს პარტიის თავმჯდომარესთას შეხვედრის დროს დეპუტატებზე განაცხადეს, ეკა ბესელიას ინიციატივაზე ხელი შემთხვევით დაეჭირათ, ქანთარიამ აღნიშნა, რომ ეს სიმართლეს არ შეესაბამება და თითოეულმა დეპუტატმა შეგნებულად მისცა ხმა.

რატომ გვიცნობთ ისე, რომ თითქოს შემთხვევით დავაჭირეთ ხელი, არა ეს ყველამ შეგნებულად გააკეთა და იყო ამაზე საუბარი. ეს იყო თემატური ერთობა. მეც ვთქვი, რომ გამყოლად მე ვერ გამოვდგები, მაგრამ ხმა მივეცი და ავხსენი კიდეც დასაწყისში, რატომ მივეცი ხმა. ყოველ შემთხვევაში წასვლა-მოსვლის საკითხი არ დამდგარა დღის წესრიგში“, - აღნიშნა ნუკრი ქანთარიამ.

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ