პარლამენტის ვიცე-სპიკერის, თამარ ჩუგოშვილის თქმით, „ნაციონალური მოძრაობის“ მიერ გამოცხადებული ბოიკოტი საბაბია, რათა სხდომა გააცდინონ და ხელფასი არ დაექვითოთ.

როგორც მან ჟურნალისტებს განუცხადა, ახალი რეგლამენტის ამოქმედებასთან ერთად, პარლამენტის წევრების დასწრება სასესიო მუშაობის დროს საგრძნობლად გაუმჯობესდა.

„ნაციონალურ მოძრაობაში“ საბაბს ეძებენ, სხდომებს არ დაესწრონ. ე.წ. ბოიკოტი, მხოლოდ საბაბია, რათა სხდომა გააცდინონ და ხელფასი არ დაექვითოთ. ეს უბრალოდ საბაბია და რეგლამენტის იმ ნორმის ასე გამოყენება სწორი არ არის, რომლითაც პოლიტიკური შეხედულების გამო შესაძლებელია პარლამენტის წევრმა, ან ფრაქციამ სხდომა გააცდინოს. ეს ასეც უნდა იყოს და კანონში უნდა ეწეროს, ეს ხვრელი არ არის, რადგან პოლიტიკური ორგანოა და პარლამენტის წევრს უნდა შეეძლოს, პროტესტის ნიშნად მუშაობაში მონაწილეობა არ მიიღოს და ამის გამო არ უნდა დაისაჯოს, მაგრამ რასთანაც გვაქვს საქმე? ეს არის არა პოლიტიკური ბოიკოტი, არამედ საბაბი, რომ ამ მუხლით თავიდან აიცილონ ხელფასის დაქვითვა, რაც ჩემი აზრით, ბოროტად გამოყენაა კანონში არსებული სწორი ჩანაწერების“, - აღნიშნა თამარ ჩუგოშვილმა.

შეგახსნებთ, რომ დღეს „ნაციონალური მოძრაობამ“ რიგგარეშე სესიას ბოიკოტი გამოუცხადა და არ დაესწრო.

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ