„არ შეიძლება პოლიციელების შეურაცხყოფა სხვადასხვა ფორმით გახდეს ყოველდღიურობა,  ამას სჭირდებოდა პასუხი და ეს პასუხი იქნა გაცემული კანონის ფარგლებში“, -ამის შესახებ პარლამენტის თავჯდომარემ, ირაკლი კობახიძემ ჟურნალისტებს განუცხადა.

კობახიძე 16 დეკემბერს, პრეზიდენტის ინაუგურაციის დღეს განვითარებულ მოვლენებს და გაერთიანებული ოპოზოციის ერთ-ერთი ლიდერისა და მათი მხარდამჭერების დაკავების ფაქტს გამოეხმაურა.

როგორც პარლამენტის თავჯდომარემ აღნიშნა, „დაუშვებელია უარყოფითი ტენდენციებისთვის გზის მიცემა“.

„არავითარ შემთხვევაში არ შეიძლება პოლიციელების შეურაცხყოფა სხვადასხვა ფორმით გახდეს ყოველდღიურობა და ამის ტენდენცია გამოიკვეთა ერთგვარად ამ ბოლო პერიოდში. ამას სჭირდებოდა პასუხი და ეს პასუხი იქნა გაცემული კანონის ფარგლებში. ასე უნდა მოქმედებდეს ხელისუფლება. დაუშვებელია უარყოფითი ტენდენციებისთვის გზის მიცემა, ეს არ იქნებოდა სწორი. აქედან გამომდინარე, საჭირო იყო ხელისუფლების მხრიდან პასუხი. შეთავაზებული იყო ოპოზიციისთვის ალტერნატიული გზა, რომელსაც სჭირდებოდა 20 წუთით მეტი, მაგრამ იმ დღეს ოპოზიციას თვითმიზანი ჰქონდა მოეწყო პროვოკაცია. ეს მათ შეძლეს და ამას სჭირდება პასუხი ხელისუფლების მხრიდან“, - განაცხადა ირაკლი კობახიძემ.

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ