გუშინ, პრეზიდენტის, სალომე ზურაბიშვილის ინაუგურაციის დღეს, კახეთის რეგიონში მომხდარი დაპირისპირება პარლამენტის ბიუროს სხდომაზე კამათისა და დებატების თემა გახდა.

საპარლამენტო უმრავლესობა ითხოვს სწრაფი რეაგირება მოხდეს ფაქტზე, როცა თელავში მოხდა იმ მანქანაზე თავდასხმა, სადაც პარლამენტის წევრები იმყოფებოდნენ.

მმართველი გუნდის შეფასებით, ქალი დეპუტატების მიმართ ძალადობის ფაქტს ჰქონდა ადგილი.

ასევე, ძალადობაში ადანაშაულებს ოპოზიცია მმართველ გუნდს.

„ნაციონალური მოძრაობის“ წევრის, რომან გოცირიძის თქმით, გუშინ ხელისუფლებამ და სამართალდამცავმა ორგანოებმა დაარღვია კონსტიტუცია, როცა მშვიდობიანი აქციის მონაწილეებს თავისუფლად გადაადგილებისა და აქციის გამართვის შესაძლებლობა არ მისცა.

„თქვენ გყავთ გადამალული პრეზიდენტი, ეს არის თქვენი ნამდვილი სახე, იმ დანაშაულზე, რაც ჩაიდინეს ძალოვანმა სტრუქტურებმა, აგებენ ყველანი პასუხს“, - განაცხადა რომან გოცირიძემ.

მისმა ამ განცხადებებმა საპარლამენტო უმრავლესობის წევრების გაღიზიანება გამოიწვია.

ეკა ბესელიამ ვიცესპიკერს მოუწოდა, რომან გოცირიძისთვის მიკროფონი გამოერთოთ.

ამასთან, მან ენმ-ს წევრის, ნიკა მელიას გუშინდელ ქმედებებს „სამაგალითო“ უწოდა და აღნიშნა, რომ პარლამენტის წევრებზე, თამარ ხულორდავასა და სოფიო ქაცარავაზე თავდასხმის ფაქტზე საჭიროა სწრაფი რეაგირება.

„ათასობით კილომეტრები რომ გვაშორებს ერთმანეთთან, ეს კარგად ვიცით. ვიდრე დაგვიდგენთ წესებს და დაგვიდებთ პირობებს, არც ერთ განცხადებაში არ დაგიგმიათ თქვენი ყოფილი და ამჟამინდელი თანაგუნდელების მხრიდან პარლამენტის წევრებზე თავდასხმა. სხვათაშორის, ეს თავდასხმა არ იყო შემთხვევითი: როგორც ჩანს, ამას წინ უძღოდა ჩვენი კოლეგის პარლამენტიდან მითითება, რომ სწორედ ამ, პარლამენტის მანქანის მიმართ შეიძლებოდა აგრესიის გამოხატვა. მეც ვითხოვ ამ ფაქტის გამოძიებას. ძალიან მნიშვნელოვანი და პრინციპულია ამ ფაქტზე სამართლებრივი რეაგირება“, -  აღნიშნა ეკა ბესელიამ.

თამარ ხულორდავას თქმით, მას რომან გოცირიძემ დემაგოგი უწოდა.

როგორც ხულორდავამ აღნიშნა, აქტივისტებმა დეპუტატების ავტომობილი დააზიანეს და პარლამენტის წევრებისთვის ფიზიკური შეურაცხყოფის მიყენებას აპირებდნენ.

„მე არ მითქვამს, რომ თქვენ დააორგანიზეთ ეს. მე ამას არ ვიტყვი, არავის არაფერი განუმუხტავს, იქ ერთადერთი, რამაც განმუხტა სიტუაცია, იყო ჩვენი ადეკვატური რეაქცია. ძალიან სამარცხვინო ფაქტი იყო და კიდევ უფრო სამარცხვინოა, რომ ამის გამართლებას ცდილობს ჩვენი კოლეგა“, - აღნიშნა ხულორდავა.

თავის მხრივ, გოცირიძემ განაცხადა, რომ  რომ აქციაზე დაშავდა ადამიანი და მის დაზიანებებს საპარლამენტო უმრავლესობის წევრები 200 ლარიანი საქარე მინის დაზიანებას ადარებენ.

„დემაგოგები ხართ და ღირსი იმის, რასაც გიწოდებენ“,- განაცხადა გოცირიძემ.

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ