„მივდივართ ახლა თბილისში, რუსთაველის გამზირზე და გვექნება კონკრეტული მოთხოვნები, რომელიც უკავშირდება მოძალადეების, იდენტიფიცირებული მოძალადეების სასწრაფო წესით დასჯას“, - ამის შესახებ ენმს-ს ერთ-ერთმა ლიდერმა, ნიკა მელიამ განაცხადა.

როგორც ნიკა მელიამ აღნიშნა, გაერთიანებული ოპოზიციის ლიდერები ცოტა ხანში რუსთაველის გამზირზე დაგეგმილ აქციას შეუერთდებიან.

ნიკა მელიას თქმით,სამოქმედო გეგმას სწორედ აქციაზე გააჟღერებენ.

ვგულისხმობ ადამიანებს, რომლებმაც ჩაიდინეს ის, რაც ჩაიდინეს ახალქალაქში, კონკრეტულად ვგულისხმობ ადამიანს, ვისაც შემოაკვდა და მოკლეს ქალბატონი ია ზუგდიდში, ელემენტარულად გამოძიებაც არ დაწყებულა, ზუგდიდის მე-6 სკოლის დირექტორს ვგულისხმობ. სახელით და გვარით არის ცნობილი ჩვენთვის 30-მდე ადამიანი, ვინც კდემამოსილი სახეებით, მათ შორის ქალბატონები, რაც ძალიან სამწუხაროა, მაგრამ ფაქტი იყო, რომ მათ შორის ბებიებიც იყვნენ, დედებიც, რომლებიც აყალბებდნენ არჩევნებს. ამათ დასჯას და უბრალოდ ბრალის წაყენებას კი არ ვითხოვთ, სასწრაფოდ დაპატიმრებას. რა არის იმაზე მძიმე დანაშაული, თუ არა ესეთი მასიური გაყალბება, როდესაც მთელმა ქვეყანამ გავიგეთ, ვინ აყალბებდა, ან ასეთი პრეზიდენტი რაში გჭირდებათ, რომც იყოს პრეზიდენტი? არ შეგრცხვათ, არ მოგერიდათ კამაზები რომ ჩაგვიხერგეთ? კამაზები იყო ჩახერგილი რუსული ნომრებით“, - აღნიშნა მელიამ. 

ავტორი: ,

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ