აშშ-მ ოსამა ბილ ლადენის შვილი, ჰამზა ბინ ლადენი შავ სიაში შეიყვანა

2017-01-06 13:25:15, 2500 ნახვა

მსოფლიო

ამერიკის შეერთებული შტატების ხელისუფლებამ ტერორისტული დაჯგუფება "ალ-ქაიდას" ყოფილი ლიდერის, ოსამა ბინ ლადენის შვილი, ჰამზა ბინ ლადენი შავ სიაში შეიყვანა, - ამის შესახებ BBC იუწყება.

მედია საშუალების ინფორმაციით, ჰამზა ბინ ლადენის შავ შიაში შეყვანის შემდეგ, აშშ-ის მოსახლეობას მასთან კომუნიკაცია ეკრძალება და მისი ყველა ანგარიში ქვეყნის ტერიტორიაზე "გაყინვას" ექვემდებარება.

შავ სიაში, რომელსაც აშშ-ის სახელმწიფო დეპარტამენტი ადგენს, ჰამზა ბინ ლადენი, "განსაკუთრებით საშიშ, საერთაშორისო ტერორისტადაა" დასახელებული.

აღნიშნულ სიაში, ბინ ლადენის გარდა, "ალ-ქაიდას" კიდევ ერთი ლიდერი, იბრაგიმ ალ-ბანნაა შეყვანილი.

აშშ-ის სპეცსამსახურებში აცხადებენ, რომ ჰამზა ბინ ლადენი დაჯგუფება "ალ-ქაიდას" აქტიური პროპაგანდისტი მას შემდეგ გახდა, რაც პაკისტანში, 2011 წლის მაისში აშშ-ის მიერ განხორციელებული სპეცოპერაციის დროს მამამისი, ოსამა ბინ ლადენი მოკლეს.

როგორც BBC-ი წერს, სპეცსამსახურებმა, ბინ ლადენის სახლის ჩხრეკისას აღმოაჩინეს წერილები, რომლებსაც ჰამზა ბინ ლადენი "ალ-ქაიდას" ამჟამიდენ ლიდერს წერდა. წერილებში ბინ ლადენი, ლიდერს სწავლებას სთხოვდა და მისი მემკვიდრე ყოფილიყო.

სპეცსამსახურების ინფორმაციით, ოსამა ბინ ლადენი შვილისთვის "ალ-ქაიდას" ხელმძღვანელობის გადაბარებას გეგმავდა.

ცნობისთვის, ოსამა ბინ ლადენის დაღუპვის შემდეგ, "ალ-ქაიდას" ლიდერი ეგვიპტელი აიმან ზავაჰირი გახდა.

ამასთან, ჰამზა ბინ ლადენი პერიოდულად ვიდეო მიმართვებს ავრცელებდა, სადაც აშშ-ს ახალი დარტყმებით ემუქრებოდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან