სერბეთის პრეზიდენტმა ალექსანდრ ვუჩიჩმა განაცხადა, რომ არ არის დარწმუნებული, მალე დასრულდება თუ არა უკრაინაში კონფლიქტი და შიშობს, რომ ზამთარი, განსაკუთრებით უკრაინელებისთვის, რთული იქნება.

„ევროპული პრავდას“ ცნობით, ვუჩიჩმა ეს განცხადება ბელგრადში, უკრაინის პრეზიდენტ ვოლოდიმირ ზელენსკისთან ერთად გამართულ ერთობლივ პრესკონფერენციაზე გააკეთა.

სერბეთის ლიდერის თქმით, საერთაშორისო საზოგადოებას, მათ შორის სერბეთს, სურს ომის რაც შეიძლება მალე დასრულება.

„მაგრამ თუ პოლიტიკურ ვეტერანს მკითხავთ, გეტყვით, რომ დარწმუნებული არ ვარ. ძალიან მეშინია, რომ ზამთარი ძალიან რთული გვექნება, განსაკუთრებით უკრაინელებისთვის“, - თქვა ვუჩიჩმა.

მან ხაზგასმით აღნიშნა, რომ ომის სწრაფად დასრულების იმედი აქვს, მაგრამ ჯერ ვერ ხედავს ამისკენ მიმავალ გზას.

„მაგრამ მე ვერ ვხედავ ამის განხორციელების გზას“, - დასძინა სერბეთის პრეზიდენტმა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით