აშშ-ის პრეზიდენტი დონალდ ტრამპი ამჟამად „რუსეთის აგენტის“ როლს ასრულებს და უკრაინის წინააღმდეგ ომში მოსკოვს უჭერს მხარს. ამის შესახებ პორტუგალიის პრეზიდენტმა მარსელო რებელო დე სოუზამ ზაფხულის უნივერსიტეტში ახალგაზრდულ ღონისძიებაზე სიტყვით გამოსვლისას განაცხადა, იუწყება CNN Portugal.

სოუზამ საერთაშორისო ვითარებასა და თანამედროვე გამოწვევებზე ისაუბრა. მან ტრამპი პოლიტიკური ლიდერობის ახალი სტილის, უფრო ემოციური და შუამავლების გარეშე პირდაპირ კონტაქტზე ორიენტირებული მაგალითი უწოდა. თუმცა, პორტუგალიის ლიდერმა აღნიშნა ძალთა გლობალური ბალანსის სახიფათო ცვლილება.

„ერთი განსაკუთრებული და რთული რამით: წამყვანი ზესახელმწიფოს ლიდერი, ობიექტურად, საბჭოთა ან რუსეთის აგენტია. ის აგენტის როლს ასრულებს“, - თქვა სოუსამ.

მან ხაზგასმით აღნიშნა, რომ ეს არ არის „მეგობრობაზე, ეკონომიკურ, იდეოლოგიურ ან დოქტრინულ თანამშრომლობაზე დაფუძნებული ალიანსი“.

„მე ვამბობ, რომ ობიექტურად, ახალი ამერიკული ხელმძღვანელობა სტრატეგიულად რუსეთის ფედერაციას უჭერს მხარს“, - თქვა მან.

სოუზამ დასძინა, რომ ახალი ამერიკული ხელმძღვანელობა „ერთი მხარის მოკავშირიდან კონფლიქტის არბიტრად გარდაიქმნა“ და არბიტრად, რომელიც მხოლოდ რუსეთთან მოლაპარაკებებს ცდილობს, უკრაინისა და ევროპის გამოკლებით.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს