ეჭვმიტანილი, რომელმაც სტამბოლის ცენტრში, ისტიკლალის გამზირზე ბომბი დატოვა და აფეთქება განახორციელა, დაკავებულია,- აღნიშნულის შესახებ თურქეთის შინაგან საქმეთა მინისტრმა, სულეიმან სოილუმ განაცხადა.

მინისტრის თქმით, ტერაქტის ბრძანება ჩრდილოეთ სირიაში მდებარე ქალაქ აინ ალ-არაბიდან გაიცა.

"მამაკაცი, რომელმაც სტამბოლის ისტიკლალის გამზირზე კვირას ბომბი დატოვა, პოლიციამ დააკავა",- განაცხადა მინისტრმა.

შეგახსენებთ, რომ გუშინ სტამბოლის ცენტრში ტერაქტი მოხდა. გავრცელებული ინფორმაციით, თავდამსხმელმა ასაფეთქებელი მოწყობილობა თავად ააწყო და გამზირზე დატოვა.

ტერაქტს 8 ადამიანი ემსხვერპლა, 81 კი დაშავდა. დაშავებულებიდან 50 საავადმყოფოდან უკვე გაწერეს, 5კი რეანიმაციულ განყოფილებაშია.

ავტორი: ექსპრესნიუსი,

სოციალური ქსელები

შსს-ს ცენზურის დეპარტამენტის წარმომადგენელი - სასამართლომ არ უნდა მიიღოს ფორმალური გადაწყვეტილებები

ევროპარლამენტარი მიხაელ გალერი: საბჭოთა საქართველო რეალობად იქცევა

FBI-ის ხელმძღვანელი რუსეთში „უჩვეულო და მგრძნობიარე“ ვიზიტს გეგმავს

ზურაბიშვილი ვახო სანაიას დაპატიმრებაზე: ტოტალური ცენზურა, რუსული სტილით