ჩართულ ბიზნეს სექტორის წარმომადგენლებთან შეხვედრებს აგრძელებენ. - ამის შესახებ ინფორმაციას ჯანდაცვის სამინისტრო ავრცელებს.

უწყების ცნობით, სპორტული კომპლექსებისა და ფიტნეს ცენტრების წარმომადგენლებთან, ონლაინ ფორმატით გამართულ შეხვედრაზე,   ბიზნესომბუდსმენის მოვალეობის შემსრულებელმა  ნინო კვეტენაძემ და შრომის ინსპექციის სამსახურის უფროსმა ბექა ფერაძემ    განიხილეს მწვანე ზონებთან დაკავშირებით მიღებული  წესები და კერძო სექტორს  „მწვანე პასპორტის“ კონცეფციის პრაქტიკაში გახორციელებასთან დაკავშირებული საჭირო ინფორმაცია მიაწოდეს.

 „ვაგრძელებთ შეხვედრებს  ე.წ „მწვანე პასპორტის“ კონცეფციაში ჩართულ ბიზნეს სექტორებთან. დღეს  შევხვდით სპორტული კომპლექსებისა და ფიტნეს ცენტრების წარმომადგენლებს.  გავაცანით კოვიდ პასპორტებთან მიმართებით მათი ვალდებულებები.  როგორც მოგეხსენებათ, 1 დეკემბრიდან განსაზღვრულ სექტორებში მხოლოდ მწვანე პასპორტით იქნება შესვლა ნებადართული. ვიმსჯელეთ  იმ  მექანიზმებზე, რომლითაც 1 დეკემბრიდან შრომის ინსპექცია, სხვადასხვა მაკონტროლებელ უწყებებთან ერთად, მთელი ქვეყნის მასშტაბით, მოახდენს  საკოორდინაციო საბჭოზე მიღებული რეგულაციების აღსრულებაზე მონიტორინგს.“ - განაცხადა ბექა ფერაძემ.

საინფორმაციო სახის შეხვედრები დაგეგმილია „მწვანე პასპორტის“ სქემაში ჩართულ სხვა ბიზნეს სექტორთანაც. 

ავტორი: NS (სტატია დაფინანსებულია),

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ