„ვითარება შეიცვალა ივანიშვილის რეჟიმისთვის, რადგან ადამიანების დიდმა რაოდენობამ „შემზარავად ხატოვან“ დეტალებში დაინახა, რამდენად საშიშია ეს ყველაფერი, - ამის შესახებ „ევროპული საქართველოს“ წევრმა, გიგა ბოკერიამ „ტვ პირველის“ მიერ გავრცელებულ აუდიო ჩანაწერებთან დაკავშირებით განაცხადა.

როგორც მან აღნიშნა, დღეს ადამიანები საჯაროდ ყვებიან საკუთარ გამოცდილებას, რაც იმის მტკიცებულებაა, რომ ეს დემოკრატიული ოპოზიციის პრობლემა არ არის.

„ვითარება შეიცვალა ივანიშვილის რეჟიმისთვის, რადგან ადამიანების უფრო დიდმა რაოდენობამ დაინახა უფრო მეტ „შემზარავად ხატოვან“ დეტალებში, თუ რამდენად საშიშია ეს ყველაფერი ჩვენი ქვეყნის მომავლისთვის და თითოეული მოქალაქისთვის. ის ზვავი, რაც ახლა გრძელდება და ადამიანები საჯაროდ ყვებიან საკუთარ გამოცდილებას ყოველგვარი ჩანაწერების გარეშე, არის იმის მტკიცებულება, რომ ეს არ არის დემოკრატიული ოპოზიციის პრობლემა და მათი შეხედულება, რომ ეს ხელისუფლება უნდა წავიდეს მშვიდობიანად, სასურველია არჩევნების გზით. ეს ხდება კიდევ უფრო ფართო რწმენისა და კონსენსუსის საგანი საზოგადოებაში სწორედ იმიტომ, რომ საშიშები არიან ჩვენი ქვეყნისთვის. რაც შეეხება საკითხის დაყენებას, ვის დაველაპარაკებით მათი წასვლის ისეთ ფორმაზე, რომელიც არის ნაკლები ზიანის და რისკის მქონე ქვეყნის ინტერესში, ეს ნაკლები რისკით წასვლა არის არჩევნებით წასვლა და ამომრჩევლების ნებასთან შეგუება. აქ მე არ ვიზიარებ იმ ემოციურ დამოკიდებულებას, რომელიც აქვს ზოგიერთ ადამიანს“, - განაცხადა გიგა ბოკერიამ.

ცნობისთვის, „ტვ პირველმა“ რამდენიმე დღის წინ ფარული აუდიო ჩანაწერი გაავრცელა. ჩანაწერის მიხედვით, ბერა ივანიშვილი ირაკლი ღარიბაშვილთან ერთად არასასურველი კომენტარების გამო, რამდენიმე პირის დასჯას უკვეთავს.

ავტორი: ექსპრესნიუსი,

სოციალური ქსელები

სასამართლომ საქართველოს ყოფილი გენერალური პროკურორი, ოთარ რომანოვ-ფარცხალაძე დაუსწრებლად დაპატიმრება ძალაში დატოვა.

ფილფანი- გამოძიება უნდა დაიწყოს ირაკლი კობახიძის და ყველა იმ მაღალჩინოსანი პირის მიმართაც, რომელიც საქართველოს ადანაშაულებს

Volvo 365 – ერთი წელი ავტომობილის ფლობასთან დაკავშირებული ძირითადი ხარჯების გარეშე

სეპარატისტული რეჟიმი: თურქეთში აფხაზური პასპორტების აღიარების საკითხზე დისკუსია მიმდინარეობს