„ვაფასებ თქვენს ძალისხმევას COVID19-ის ვაქცინის სამართლიანად განაწილების საქმეში“, - ამის შესახებ ჯანმოს გენერალურმა დირექტორმა, გებრეისუსმა საქართველოს პრემიერ-მინისტრობის კანდიდატის, გიორგი გახარიას მისამართით საკუთარ „ტვიტერში“ დაწერა.

როგორც საზოგადოებისთვის ცნობილია, ადანომ გებრეისუსსა და გიორგი გახარიას შორის სატელეფონო საუბარი შედგა, რომელიც კორონავირუსის საწინააღმდეგო ვაქცინის განაწილების საქმეს შეეხებოდა.

როგორც გებრეისუსი აღნიშნავს, ეს საუბარი საკმაოდ კარგი და სასარგებლო იყო.

ამასთან, საქართველოს პრემიერ-მინისტრობის კანდიდატის, გიორგი გახარიას მისამართით წერს, რომ ყველამ ერთად უნდა იმოქმედონ, რათა ეს პანდემია დასრულდეს.

„საქართველოს პრემიერ-მინისტრს, გიორგი გახარიას დიდ მადლობას ვუხდი ძალიან კარგი და სასარგებლო ზარისთვის.

მე ნამდვილად ვაფასებ თქვენს საყოველთაო ჯანდაცვის სფეროს გაუმჯებესებასთან დაკავშირებით გაწეულ შრომას და ასევე ვაფასებ მცდელობებს, იმის თაობაზე, რომ მხარი დაუჭიროთ  COVID19-ის  ვაქცინების სამართლიან განაწილებას.

ჩვენ ერთად უნდა ვიმოქმედოთ, რათა დასრულდეს ეს პანდემია“, - წერს ჯანმოს გენერალური დირექტორი ტედროს ადანომ გებრეისუსი „ტვიტერში“

აქვე გთავაზობთ პრემიერ-მინისტრობის კანდიდატის,  გიორგი გახარიას ტვიტსაც.

„ტედროს გებრეისუსთან პროდუქტიული საუბარი შედგა, თემა შეეხებოდა COVID-19- ის საწინააღმდეგო ვაქცინის ეფექტურობას და პარტნიორებთან მოლაპარაკებებს. საქართველო პანდემიასთან ბრძოლის სფეროში WHO- სთან მჭიდრო თანამშრომლობას აგრძელებს“, - წერს გიორგი გახარია.

ავტორი: ექსპრესნიუსი,

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს