მხარეებმა არ უნდა დაივიწყონ, რომ  ადამიანებმა პიროვნული რისკის მიუხედავად მიიღეს მონაწილეობა არჩევნებში.  - ამის შესახებ, ეუთო/ოდირის სადამკვირვებლო მისიის ხელმძღვანელმა ჯილიან სტირკმა "ღამის კურიერისთვის" მიცემულ ექსკლუზიურ ინტერვიუში განაცხადა.

"მე ვცდილობ, თავი შევიკავო, რომ რაიმე გავლენა არ მოვახდინო იმ პროცესზე, რომელიც ამ ქვეყნის შიდა პოლიტიკური ცხოვრების ნაწილია. ძალიან პოზიტიური იყო მთელ ამ პროცესში არჩევნებში მონაწილეობის მაჩვენებელი. ძალიან მნიშვნელოვანია, რომ ამდენი ადამიანი მივიდა უბნებზე. მხარეებმა არ უნდა დაივიწყონ, რომ  ადამიანებმა პიროვნული რისკის მიუხედავად მიიღეს მონაწილეობა არჩევნებში. ვფიქრობ, რომ პოლიტიკოსებისთვის ძალიან მნიშვნელოვანია იფიქრონ იმაზე, თუ რა არის მათი გზავნილი ელექტორატისთვის - ანუ საკუთარი ქმედებით რას ეუბნებიან ამომრჩევლებს. არა მარტო საქართველოში, არამედ მთელს მსოფლიოში ახლა რთული დროა, ჩვენ პანდემიის და ეკონომიკური კრიზისის წინაშე ვდგავართ. და როდესაც პოლიტიკოსები გადაწყვეტილებას მიიღებენ, იმედია, რომ ისინი იმ გლობალურ კონტექსტს გაითვალისწინებენ, რომელიც ამ სიტუაციაზე დიდ გავლენას ახდენს." - განაცხადა ჯილიან სტირკმა.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით