სამწუხაროა, რომ გვყავს ოპოზიციური ჯგუფები, რომლებიც იმყოფებიან „ნაციონალური მოძრაობის“ ტყვეობაში, - ამის შესახებ „ქართული ოცნების“ წევრმა, ანრი ოხანაშვილმა ოპოზიციის მიერ საპარლამენტო მანდატების უარის თქმასთან დაკავშირებით განაცხადა.

მისი თქმით, ეს არის უპასუხისმგებლო ოპოზიციური ჯგუფების დღის წესრიგი, რომლებიც საკუთარ ამომრჩეველს არაფრად აგდებენ.

„იმედგაცრუებული არიან იმ პატარა და ახალგაზრდა პარტიების მხარდამჭერები, ვინც მართლაც გულწრფელად დაუჭირა მხარი ამ პარტიებს და მიანდო მათ მანდატი, ყოფილიყვნენ მათი ხმა საქართველოს პარლამენტში. იმედგაცრუებული არიან, რადგან აღმოჩნდა, რომ მხარი დაუჭირეს არა მათ წარმომადგენელს პარლამენტში, არამედ მხარი დაუჭერიათ „ნაციონალური მოძრაობისთვის“. ეს არის უპასუხისმგებლო ოპოზიციური ჯგუფების დღის წესრიგი, რომლებიც საკუთარ ამომრჩეველს არაფრად აგდებენ, პატივს არ სცემენ ქვეყნის დემოკრატიას და პატივს არ სცემენ საერთაშორისო დამკვირვებლებს, რომლებიც არჩევნებს აფასებენ როგორც ლეგიტიმურსა, როგორც კონკურენტულს და მთლიანობაში მოუწოდებენ, შევიდნენ პარლამენტში. ჩვენ ვართ მმართველი ძალა, როგორც პასუხისმგებლიანი ძალა, ვიღებთ პასუხისმგებლობას ქვეყნის მართვაზე. ჩვენ ჩვენ საზოგადოებას გასაჭირში ვერ მივატოვებთ განსაკუთრებით იმ დროს, როდესაც ქვეყანაში გვაქვს მძიმე გამოწვევა პანდემიასთან დაკავშირებით. მათ მიატოვეს მათი ამომრჩევლები“, - განაცხადა ანრი ოხანაშვილმა.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით