ცენტრალურ საარჩევნო კომისიასთან ოპოზიციის მხარდამჭერთა აქცია მიმდინარეობს.

როგორც ცნობილია, ამ წუთებში ცესკოს შენობაში სადამკვირვებლო ორგანიზაციების შეხვედრა იწყება ცენტრალური საარჩევნო კომისიის თავმჯდომარე, თამარ ჟვანიასთან.

ამასთანავე, რესპუბლიკის მოედანზე არიან შეკრებილი ოპოზიციონერები, რომლებიც ავტოკოლონით ცესკოს შენობისკენ დაიძრნენ.

„ნაციონალური მოძრაობის“ წევრის, ზაალ უდუმაშვილის განცხადებით, თამარ ჟვანიამ 31 ოქტომბრის საპარლამენტო არჩევნები გააყალბა.

„თამარ ჟვანია არის მთავარი შემსრულებელი იმ გაყალბებებისა, რომელიც 31 ოქტომბერს მოხდა. ბიძინა ივანიშვილმა მიმართა ტრადიციულ მეთოდებს, ანუ ამ ზონდერებს, კომისიებში ადამიანებზე ზეწოლას და ა.შ. თამარ ჟვანია არის სისხლის სამართლის დამნაშავე, რადგან არჩევნების გაყალბება სისხლის სამართლის დანაშაულია. რაც თამარ ჟვანიამ ჩაიდინა, არის სპეცოპერაცია ხალხის წინააღმდეგ. ეს არის გაერთიანებული ოპოზიციის აქცია, ვინც შემოგვიერთდება, შემოგვიერთდება“, – განაცხადა ზაალ უდუმაშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით