გაერთიანებული ოპოზიცია აჭარის უმაღლესი საბჭოს მანდატებზე უარს აცხადებს, - ამის შესახებ აჭარის უმაღლესი საბჭოს ქობულეთის მაჟორიტარი დეპუტატობის კანდიდატმა ბლოკიდან „ენმ - ძალა ერთობაშია“ ელგუჯა ბაგრატიონმა განაცხადა.

მისი თქმით, 31 ოქტომბრის არჩევნები არ შეესაბამება ამომრჩევლის ნებას.

„31 ოქტომბრის არჩევნები ხელისუფლებამ გააყალბა. ეს საზოგადოებამ საკუთარი თვალით ნახა და დოკუნტურადაც დასტურდება. ეს არ იყო არჩევნები, ეს იყო სპეცოპერაცია. მას უმკაცრესი და ძალიან უარყოფითი შეფასებები მიეცა საერთაშორისო დამკვირვებლებისა და ანგარიშგასაწევი ორგანიზაციების მხრიდან, რომლებიც აკვირდებოდნენ არჩევნებს. აჭარის რესპუბლიკის უმაღლესი საბჭოს არჩევნებში მონაწილეობა მიიღო ჩვენმა 180 302-მა მოქალაქემ. ამ ტოტალური გაყალბების ფონზე კი 97 615 ხმა მიიღო ოპოზიციამ. თითქმის 15 ათასი ხმით მეტი, ვიდრე „ქართულმა ოცნებამ“. სახელისუფლებო პარტიამ კი ყოველგვარი ნორმების დარღვევით  ორჯერ მეტი მანდატი მიითვისა.

ჩვენს პარტნიორებთან და მხარდამჭერებთან გავლილი კონსულტაციების შემდეგ მიღებულია პოლიტიკური გადაწყვეტილება. ჩვენი პოლიტიკური გუნდი უარს აცხადებს აჭარის უმაღლესი საბჭოს იმ მანდატებზე, რომლებიც ხელისუფლებამ გადმოგვცა, მაგრამ რეალურად არ ასახავს ამომრჩევლის ნებას“, - განაცხადა ელგუჯა ბაგრატიონმა.

ავტორი: ექსპრესნიუსი,

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით