2018-02-19 13:27:53, 1840 ნახვა
კომენტარი
ჯანელიძე - არ უნდა მივცეთ საშუალება კრიმინალებს, რომ ხელი შეუშალონ ვიზალიბერალიზაციას
საგარეო საქმეთა მინისტრის მიხეილ ჯანელიძის განცხადებით, საქართველო პარტნიორ ქვეყნებთან ერთად კრიმინალს შეებრძოლება.
როგორც მან აღნიშნა, ქვეყანამ არ უნდა დაუშვას, რომ კრიმინალებმა ვიზალიბერალიზაციის პროცესს ხელი შეუშალონ.
"გარკვეულწილად ხდება თავშესაფრის მოთხოვნა და დანაშაულის ჩადენა ევროკავშირის წევრ ქვეყნებში. აუცილებლად ერთად შევებრძოლებით კრიმინალს არა მარტო საქართველოში, არამედ პარტნიორ ქვეყნებშიც. ინფორმაციის გაცვლით და თანამშრომლობით შეგვიძლია იმ წუხილებს ვუპასუხოთ, რომლებიც ჩვენ პარტნიორებს გააჩნიათ. ჩვენ ნამდვილად არ უნდა მივცეთ საშუალება კრიმინალებს ხელი შეუშალონ იმ დიდ სიკეთეს, რომელიც თითოეულმა ჩვენმა მოქალაქემ მიიღო ვიზალიბერალიზაციის სახით", - დასძინა საგარეო საქმეთა მინისტრმა.
![]()
ავტორი: ,
epn.ge (@expressnews.ge)
