"წითელ ბაღში" არასრულწლოვნების დაჭრის საქმეზე დაკავებულის ინტერესებს ადვოკატი ირმა ჭკადუა იცავს. 

როგორც ჭკადუამ ჟურნალისტებს განუცხადა, მისი დაცვის ქვეშ მყოფი საგამოძიებო ორგანოში დღეს თავად გამოცხადდა. 

ჭკადუას ინფორმაციით, არასრულწლოვნისთვის ბრალი ჯერ ოფიციალურად არ წაუყენებიათ. 

"ამ ეტაპზე არასრულწლოვანის ინტერესებიდან გამომდინარე და ზოგადად კანონიდან გამომდინარე, არ მაქვს უფლება დეტალებზე ვისაუბრო. ბრალი ჯერ წაყენებული არ არის. ჩემი დაცვის ქვეშ მყოფი პოლიციის განყოფილებაში თავად გამოცხადდა", - განაცხადა ადვოკატმა. 

ცნობისთვის, სამართალდამცველებმა თბილისში, წითელ ბაღში მომხდარ ინიციდენტში ბრალდებული - 2000 წელს დაბადებული ა.ნ. ჯანმრთელობის განზრახ მძიმე დაზიანების ბრალდებით დააკავეს. „გამოძიებამ დაადგინა, რომ მიმდინარე წლის 31 იანვარს თბილისში, ალ.ყაზბეგის გამზირზე, ე.წ. წითელი ბაღის ტერიტორიაზე, ა.ნ.-მ ურთიერთშელაპარაკებისას ყოფილ თანაკლასელებს - 2000 წელს დაბადებულ ნ.ც.-ს და 2000 წელს დაბადებულ ი.ც.-ს ცივი იარაღით მუცლისა და გულმკერდის არეში თითო ჭრილობა, ხოლო 2000 წელს დაბადებულ ლ.ხ.-ს ხელზე მსუბუქი ჭრილობა მიაყენა და შემთხვევის ადგილიდან მიიმალა“, - ნათქვამია შსს-ს განცხადებაში. 

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე