საქართველოს პრემიერ-მინისტრმა, ირაკლი ღარიბაშვილმა ქობულეთში ხანძრის დროს დაღუპული ბავშვების მშობლებს მიუსამძიმრა.

პრემიერი რუსთავში, ვახტანგ გორგასლის სახელობის საკათედრო ტაძარში სამოქალაქო პანაშვიდს მინისტრთა კაბინეტის წევრებთან ერთად დაესწრო.
"პირველ რიგში მინდა, დიდი მწუხარება გამოვთქვა და მივუსამძიმრო დაღუპული ბავშვების ოჯახებს. მართლაც სიტყვები არ მყოფნის, როგორ გამოვხატო ეს მწუხარება, რომელმაც ჩვენ ყველა დაგვზაფრა. მე ვიტყოდი, რომ ეს არის ტრაგედია თითოეული ჩვენგანის. მე პირობა მივეცი მშობლებს, რომ აუცილებლად ჩატარდება ობიექტური გამოძიება, რომ დადგინდეს სიმართლე. მე მქონდა საუბარი შესაბამის უწყებებთან, რომლებიც გამოძიებას აწარმოებენ. კიდევ ერთხელ საჯაროდ მოვუწოდებ მათ, დაუყოვნებლივ, მოკლე დროში დაადგინონ ობიექტური სიმართლე. გარდა ამისა, მინდა გითხრათ, აქ პოლიტიკური სპეკულაციები დაიწყეს გარკვეულმა ჯგუფებმა. მინდა, ყველას მოვუწოდო, მათ შორის ამ სასტუმროს მეპატრონეს და სხვებსაც, რომ თავი დაანებონ გარკვეული განცხადებების გაკეთებას, ვიდრე არ დასრულდება გამოძიება. ისინი საკუთარ ქონებაზე ზრუნავენ და მისტირიან საკუთარ ქონებას, ჩვენ უნდა დავასაფლაოთ ეს ანგელოზი ბავშვები. ასე რომ, ყველას მოვუწოდებ, თავი შეიკავონ ზედმეტი სპეკულაციებისგან, ეს არის უმძიმესი საკითხი და ეს არის ტრაგედია ჩვენი ყველასი", - განაცხადა ირაკლი ღარიბაშვილმა.
პრემიერის თქმითვე, აუცილებელია, სასტუმროებში არსებულ უსაფრთხოების ნორმებზე კონტროლი გამკაცრდეს და შემოღებულ იქნას სპეციალური რეგულაციები, რომლებიც წინა ხელისუფლების პერიოდში გაუქმდა.
"მე ვფიქრობ, რომ ჩვენ უნდა გავამკაცროთ კონტროლი, იგივე რეგულაციები, რომელიც სამწუხაროდ წლების განმავლობაში აღარ არსებობდა, ეს იყო სააკაშვილის დროიდან, მათ გააუქმეს რეგულაციები, აღარ არსებობს არც სახანძრო სისტემის რეგულაციები, პრაქტიკულად მორღვეულია ყველაფერი. რა თქმა უნდა, ამას ჩვენ ერთ დღეში და ორ დღეში ვერ აღვადგენდით, მაგრამ საჭიროა, რომ გამკაცრდეს კონტროლი სასტუმროებში და ყველგან. ასევე, იგივე ჯგუფების გამგზავრებისას უნდა იყოს მკაცრი კონტროლი ამ მიმართულებით და ჩვენ ამაზე ვიმუშავებთ", - განაცხადა პრემიერ-მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სენატორმა მერფიმ ირანთან დადებულ შეთანხმებას აშშ-ის კაპიტულაცია უწოდა

ერთიანი ეროვნული გამოცდების განრიგი ცნობილია

UFC-ის მსუბუქი წონითი დივიზიონის საჩემპიონო ქამრისთვის ბრძოლაში ილია თოფურია ჯასტინ გეიჯთან დამარცხდა

ვენსის თქმით, ირანთან შეთანხმება ახლო აღმოსავლეთში ახალ ერას იწყებს