გაეროს უშიშროების საბჭომ იერუსალიმის ისრაელის დედაქალაქად გამოცხადებას მხარი არ დაუჭირა

2017-12-09 12:10:02, 2418 ნახვა

მსოფლიო

აშშ-ის მიერ იერუსალიმის ისრაელის დედაქალაქად გამოცხადებასთან დაკავშირებით, გაეროს უშიშროების საბჭომ საგანგებო სხდომა გამართა.

სხდომაზე პრეზიდენტ დონალდ ტრამპის გადაწყვეტილებას უშიშროების საბჭოს 14 წევრიდან არცერთმა არ დაუჭირა მხარი.

ამასთან, გერმანიის, დიდი ბრიტანეთის, შვედეთის და იტალიის წარმომადგენლებმა ერთობლივი განცხადება გააკეთეს და ტრამპის გადაწყვეტილება გააკრიტიკეს.

„იერუსალიმის ისრაელის დედაქალაქად გამოცხადება გაეროს რეზოლუციებს არ შეესაბამება და რეგიონში მშვიდობის დამყარებას ხელს არ შეუწყობს“, - განაცხადეს ევროპული ქვეყნების წარმომადგენლებმა.

შეგახსენებთ, 6 დეკემბერს აშშ-ის პრეზიდენტმა განაცხადა, რომ ვაშინგტონი იერუსალიმს ისრაელის დედაქალაქად ოფიციალურად აღიარებს. დონალდ ტრამპმის განცხადებით, ისრაელში აშშ-ის საელჩო თელ-ავივიდან იერუსალიმში გადაინაცვლებს.

ტრამპის გადაწყვეტილებას ღაზის სექტორში საპროტესტო აქციები მოჰყვა, რომლის შედეგადაც ორი ადამიანი დაიღუპა და 760-ზე მეტი დაშავდა. „ჰამასი“, რომელსაც ისრაელი და აშშ ტერორისტულ ორგანიზაციად აცხადებს, ისრაელს მასშტაბური ომით დაემუქრა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები