უკრაინელი დეპუტატი: 10 დეკემბერს დაგეგმილი მარში მაინც ჩატარდება

2017-12-09 03:50:23, 2364 ნახვა

მსოფლიო

უმაღლესი რადას დეპუტატის იური დერევიანკოს განცხადებით, 10 დეკემბერს დაგეგმილი მარში მაინც ჩატარდება, - ამის შესახებ დეპუტატმა "რუსთავი 2'-ის ეთერში განაცხაადა.

დეპუტატის თქმით, მარშის დროს ძირითადი მოთხოვნა უკრაინის პრეზიდენტის პეტრო პოროშენკოს იმპიჩმენტი იქნება, თუმცა აქციის მონაწილეები ასევე სააკაშვილის უკანონო პატიმრობიდან გათავისუფლებაც მოითხოვენ.

ამასთან, როგორც დერევიანკომ აღნიშნა, სააკაშვილის წინააღმდეგ სისხლის სამართლის საქმე ფალსიფიცირებული და უკანონოა.

"პოროშენკომ მოიწვია სააკაშვილი, როგორც ერთ-ერთი საუკეთესო რეფორმატორი და ახლა პატიმრად აქცია. ამბობენ, რომ სააკაშვილი რუსეთთან და პუტინთან არის კავშირიში, ეს სისულელეა, თუმცა სურთ, მოსახლეობა ამაში დააჯერონ. მინდა ვთქვა, რომ 10 დეკემბერს დაგეგმილი მარში მაინც ჩატარდება. თუ ჩვენ ვიქნებით ასობით ათასი, მერწმუნეთ, რომ მშვიდობიანი გზით შევცვლით ხელისუფლებას", - განაცხადა იური დერევიანკო.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები