„Agile Spirit 2017“-ის გახსნასთან დაკავშირებით, ორფოლოს პოლიგონზე სამხედროებისთვის კონცერტი გაიმართა

2017-09-04 02:29:01, 1346 ნახვა

სამხედრო

მრავალეროვნული სამხედრო სწავლება „Agile Spirit 2017“-ის ოფიციალურად გახსნასთან დაკავშირებით, ახალციხეში, ორფოლოს საწვრთნელ პოლიგონზე ქართველი და უცხოელი სამხედროებისთვის კონცერტი გაიმართა.

თავდაცვის სამინისტროს ინფორმაციით, საერთაშორისო სამხედრო სწავლებაში ჩართული სამხედრო მოსამსახურეების წინაშე ქართველი მომღერლები - ოთო ნემსაძე, მაკა ზამბახიძე და ნუცა ბუზალაძე წარსდგნენ. მომღერლებმა საკუთარი რეპერტუარიდან ქართული და უცხოური სიმღერები შეასრულეს.

საერთაშორისო სწავლება „Agile Spirit 2017“ ახალციხეში, ორფოლოს პოლიგონზე ოფიციალურად დღეს გაიხსნა. წვრთნები საქართველოს შეიარაღებული ძალების და აშშ-ის საზღვაო ქვეითების ორგანიზებით იმართება. სამხედრო სწავლების სცენარი სტაბილურობის, შეტევა/თავდაცვით ოპერაციებს ემყარება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები