მღებრიშვილი: საზოგადოებამ კიდევ ერთხელ იხილა მთავრობის კოორდინირებული მუშაობის წარმატებული მაგალითი

2017-09-01 06:25:00, 2065 ნახვა

კომენტარი

შინაგან საქმეთა მინისტრის გიორგი მღებრიშვილის განცხადებით, აბასთუმანში ხანძარი ამ დროისთვის ლიკვიდირებული არ არის.

როგორც მღებრიშვილმა აღნიშნა, სანამ ხანძრის ლიკვიდირება არ მოხდება, ტექნიკა ადგილზე იქნება მობილიზებული.

მინისტრმა მადლობა გადაუხადა ყველას, ვინც ცეცხლის ქრობის პროცესში მონაწილეობა მიიღო.

„დღესაც მიმდინარეობს ნიადაგის დამუშავება, ღია კერები არსად არ გვაქვს. შეიძლება ითქვას რომ ძალიან კარგი მდგომარეობა გვაქვს იმ ზონაში სადაც ხანძარი იყო. ვისარგებლებ შემთხვევით და ყველას დიდ მადლობას გადავუხდი ვინც მონაწილეობა მიიღო ხანძრის ქრობის პროცესში. ჩვენმა საზოგადოებამ კიდევ ერთხელ იხილა მთავრობის კოორდინირებული მუშაობის წარმატებული მაგალითი, ჩვენი პრემიერ-მინისტრის ხელმძღვანელობით და დიდი მადლობა მინდა ვუთხრა მას და მადლობა რა თქმა უნდა ადგილობრივებს, რომლებიც ცეცხლის ჩასაქრობად იბრძოდნენ ჩვენს ბიჭებთან ერთად. დღის ბოლოსთვის ვფიქრობ ცოცხალი ძალის გარკვეულწილად შემცირებას, მაგრამ ტექნიკა ჯერჯერობით მაინც მობილიზირებული რჩება, სანამ სრული ლიკვიდაცია არ იქნება ხანძრის“, - აღნიშნა გიორგი მღებრიშვილმა

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები