18 ივლისს,  საჩხერის სამედიცინო ცენტრში, “ლევან საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრი“-ს ეგიდით, ახალშობილთა სმენის სკრინინგული კვლევის ტრენინგი ჩატარდა.

ტრენინგის ფარგლებში საჩხერის სამედიცინო ცენტრს ამერიკული ჰუმანიტარული ორგანიზაციის “სმენის შეფასებისა და მართვის ეროვნული ცენტრის“ დამფუძნებელი დირექტორი კარლ ვაითი და ტრენერთა ჯგუფი სტუმრობდა.

ტრენინგს საჩხერის სამედიცინო ცენტრის მედპერსონალთან ერთად საქართველოს სხვადასხვა კლინიკებიდან ჩამოსული მედპერსონალიც ესწრებოდა.

მსმენელებმა მოისმინეს სალექციო კურსის თეორიული ნაწილი და განახორციელეს ახალშობილთა სმენის პრაქტიკული შეფასება.  ტრენინგის ბოლოს კარლ ვაითმა საჩხერის სამედიცინო ცენტრს საჩუქრად  სმენის შეფასების აპარატი გადასცა.

როგორც საჩხერის სამედიცინო ცენტრის მენეჯერმა განაცხადა, მსგავსი ტრენინგის ჩატარება ძალიან მნიშვნელოვანია, რადგან თანდაყოლილი ან ადრეულ ბავშვობაში გამოვლენილი სენსონევრული სიყრუე ან სმენის დაქვეითება საკმაოდ ხშირი პრობლემაა.

“უნდა აღინიშნოს, რომ ახალშობილთა სმენის დარღვევები წარმოადგენს ბავშვთა ოპტიმალური განვითარების და განათლების ბარიერს. ჯანმრთელობის მსოფლიო ორგანიზაციის მონაცემებით ყოველი 1000 ახალშობილიდან 1-დან 5 ახალშობილს აღენიშნება თანდაყოლილი ან ადრეულ ბავშვობაში გამოვლენილი სენსონევრული სიყრუე ან სმენის დაქვეითება. მძიმე ხარისხის სმენის დარღვევები იწვევს ბავშვთა სოცისლური ინტეგრაციის,  სასწავლო პროგრამების ათვისების და ინტელექტუალური განვითარების შეფერხებას, რის გამოც დაავადებათა ადრეულ გამოვლენას  დიდი მნიშვნელობა აქვს სმენადაქვეითებულ ბავშვთა ჯანმრთელობის გაუმჯობესებისა და საზოგადოების სრულფასოვან წევრად ჩამოყალიბების საკითხში. აქედან გამომდინარე, მსგავსი ტრენინგების ჩატარებას“, - განაცხადა საჩხერის სამედიცინო ცენტრის მენეჯერი თამარ მელიქიძე.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა