ევროპის დღისადმი მიძღვნილი ღონისძიებების ფარგლებში, ლატვიაში ევროკომისიის წარმომადგენლობის ინიციატივით და ლატვიის საგარეო საქმეთა სამინისტროს ხელშეწყობით,  საქართველოს საელჩომ ღიაკარის დღე გამართა და ლიტვის ხვადასხვა ქალაქების სკოლის დამამთავრებელი კლასების 47 მოსწავლეს უმასპინძლა.

მოწვეულ სტუმრებს, საელჩოს წარმომადგენლებმა, საქართველოს ისტორიისა და  კულტურის  შესახებინფორმაცია მიაწოდეს. აღინიშნა ევროპული და ევროატლანტიკური ინტეგრაციის გზაზე საქართველოს მიერმ მიღწეული წარმატებები.  

მოწვეული სტუმრები, ასევე, საელჩოს საქმიანობის ძირითად მიმართულებებს გაეცნენ. პრეზენტაციის შემდგომ დისკუსია გაიმართა. პრეზენტაციების დასასრულს საელჩო სტუმრებს ქართული, ტრადიციული კერძებით გაუმსაპინძლდა.

აღსანიშნავია, რომ ამავე დღეს საქართველოს საელჩომ ასევე მონაწილეობა მიიღო ლატვიის საგარეო საქმეთა სამინისტროში ევროპის დღისადმი მიძღვნილ ღონისძიებაშიც, რომლის ფარგლებშიც სამინისტროს შენობაში, განთავსდა საქართველოს  სტენდი, რომელიც მოიცავდა ინფორმაციას  საქართველოს ისტორიის, კულტურის და ტურისტული პოტენციალის შესახებ. 

ღონისძიების დასასრულს, საელჩოების წარმომადგენლებსა და მოწვეულ სტუმრებს სიტყვით ლატვიის საგარეო საქმეთა სამინისტროს საპარლამენტო მდივანმა ზანდა კალნინა–ლუკაშევიცამ მიმართა და საელჩოებს, ევროპის დღისადმი მიძღვნილ ღონისძიებებში აქტიურად მონაწილეობისათვის, მადლობა გადაუხადა.  აღინიშნა, რომ ლატვიის საგარეო საქმეთა სამინისტროში განთავსებული ქართული სტენდი ყველაზე მეტმა სტუმარმა მოინახულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ