2017-03-21 15:50:40, 2133 ნახვა
სამართალი
საქალაქო სასამართლომ რატი გაჩეჩილაძეს ნიკა გვარამიას ცემისთვის 3 100-ლარიანი ჯარიმა შეუფარდა
თბილისის საქალაქო სასამართლომ რატი გაჩეჩილაძეს ნიკა გვარამიას ცემისთვის 3 100-ლარიანი ჯარიმა შეუფარდა.
ამასთან, მოსამართლემ ბრალის აღიარება გაითვალისწინა და ის ფაქტიც, რომ დაკავებული ადრე ნასამართლევი არ ყოფილა.
შეგახსენებთ, რომ ინციდენტი 7 იანვარს, რესტორან Dining Room-ში მოხდა. გაჩეჩილაძემ გვარამიაზე თავდასხმა Facebook-გვერდზე აღიარა და პოლიციაში გამოცხადდა. მისი თქმით, ეს იყო რეაქცია იმ ფიზიკურ და მორალურ შეურაცხყოფაზე, რაც მისმა ოჯახმა განიცადა.
"პირობას ვდებ, არ მივიღებ ბოდიშს და მეტანიებს. ნულოვანი ტოლერანტობა. საფლავის კარამდე ჩავყვები და ბოლომდე ვაზღვევინებ. მათ ფეხქვეშ მიწა დაიწვება", - წერდა გვარამია Facebook-გვერდზე.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
