საქართველოს უზენაესი სასამართლოს სისხლის სამართლის საქმეთა პალატამ  ყაჩაღობაში მსჯავრდებული ტარიელ პაგაშვილი უდანაშაულოდ სცნო.

ამის შესახებ სასამართლოს განცხადებაშია აღნიშნული:

„თბილისის საქალაქო სასამართლოს 2015 წის 21 ივლისის განაჩენით, ტარიელ პაგაშვილი ცნობილი იქნა დამნაშავედ საქართველოს სისხლის სამართლის კოდექსის 273-ე მუხლითა (ნარკოტიკული საშუალების უკანონოდ მოხმარება) და 179-ე მუხლის მე-4 ნაწილის „ბ“ ქვეპუნქტით (ყაჩაღობა, ესე იგი თავდასხმა სხვისი მოძრავი ნივთის მართლსაწინააღმდეგო მისაკუთრების მიზნით, ჩადენილი სიცოცხლისათვის ან ჯანმრთელობისათვის საშიში ძალადობით ანდა ასეთი ძალადობის გამოყენების მუქარით იმის მიერ, ვინც ორჯერ ან მეტჯერ იყო ნასამართლევი სხვისი  ნივთის მართლსაწინააღმდეგო მისაკუთრებისათვის ან გამოძალვისათვის), რისთვისაც მას  11 წლით თავისუფლების აღკვეთა მიესაჯა.

განაჩენით დადგინდა, რომ წარსულში ორჯერ ნასამართლევმა ტარიელ პაგაშვილმა დააყაჩაღა ვარკეთილში მდებარე ფსიქოტროპული აფთიაქი, მართლსაწინააღმდეგოდ დაეუფლა და ფულად თანხასა და ფსიქოტროპულ მედიკამენტებს. ასევე, დაკავების შემდეგ ჩატარებული  ლაბორატორიული კვლევით ტარიელ პაგაშვილს დაუდგინდა ნარკოტიკული საშუალების მოხმარების ფაქტი.

თბილისის სააპელაციო სასამართლოს 2016 წლის 28 ივლისის განაჩენით თბილისის საქალაქო სასამართლოს 2015 წლის 21 ივლისის განაჩენი დარჩა უცვლელად.

მსჯავრდებულ ტარიელ პაგაშვილის ადვოკატმა საკასაციო საჩივრით ითხოვა ტარიელ პაგაშვილის გამართლება ყაჩაღობაში, ხოლო ნარკოტიკული საშუალების მოხმარების ნაწილში დაცვის მხარეს განაჩენი არ გაუსაჩივრებია.

საქართველოს უზენაესი სასამართლოს სისხლის სამართლის საქმეთა პალატის 2017 წლის 20 მარტის განაჩენით, მსჯავრდებული ტარიელ პაგაშვილი უდანაშაულოდ სცნო და გაამართლა საქართველოს სსკ–ის 179-ე მუხლის მე-4 ნაწილის ,,ბ“ ქვეპუნქტით წარდგენილ ბრალდებაში, ვინაიდან საკსაციო პალატამ მიიჩნია, რომ ბრალდების მხარის მიერ წარმოდგენილი მტკიცებულებები ვერ აკმაყოფილებდა პირის დამნაშავედ ცნობისთვის აუცილებელ სამართლებრივ - გონივრულ ეჭვს მიღმა-სტანდარტს.

მსჯავრდებულ ტარიელ პაგაშვილს საქართველოს სსკ-ის 273-ე მუხლით სასჯელის სახით განესაზღვრა ჯარიმა - 3000 ლარი, რაც პატიმრობაში ყოფნის ვადის გათვალისწინებით ჩაეთვალა მოხდილად და იგი დაუყოვნებლივ გათავისუფლდა სასამართლო სხდომის დარბაზიდან“, - ნათქვამია სასამართლოს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტუსკი რუსი მხატვრის მკვლელობაზე: ეჭვმიტანილი დაკავებულია, ის საქართველოს პასპორტს იყენებს

სელფი Global Tech Weekend Tbilisi 2026-ის პარტნიორია!

გალელ მასწავლებელს აფხაზეთში ჯაშუშობის ბრალდებით 6 წლითა და 9 თვით თავისუფლების აღკვეთა მიუსაჯეს

ზელენსკი: ეს არის სრულიად სამართლიანი პასუხი ჩვენს ქალაქებსა და დასახლებებზე თავდასხმებზე