ტექნოპარკში ამერიკის საელჩოს ორგანიზებითა და საქართველოს ინოვაციების და ტექნოლოგიების სააგენტოს პარტნიორობით კინომუსიკის ამერიკელმა კომპოზიტორმა მირიამ კატლერმა ღონისძიება გამართა, რომლის ფარგლებშიც მან აშშ-ს კინო ინდუსტრიის ძირითად ტრენდებსა და გამოწვევებზე ისაუბრა. ასევე ყურადღება გაამახვილა, თუ რა უნარები და ცოდნაა საჭირო იმისათვის, რომ აშშ-ს კინო ინდუსტრიის ბაზარზე ეგრედწოდებულ ფრილანსერად დამკვიდრდე, მიიღო მათგან გამოცდილება და გაეცნო ძირითად სამუშაო პრინციპებს. 

შეხვედრის მონაწილეები იყვნენ კრეატიული ინდუსტრიის ქართველი წარმომადგენლები, რომლებსაც საშუალება მიეცათ დამსწრე საზოგადოებისათვის საკუთარი ბიზნესის მიმართულებები გაეცნოთ, ესაუბრათ მიმდინარე საქმიანობასა და სამომავლო გეგმებზე. 

მირიამ კატლერთან შეხვედრას ასევე დაესწრნენ საქართველოს ინოვაციების და ტექნოლოგიების სააგენტოს, კულტურის სამინისტროსა და მეწარმეობის განვითარების სააგენტოს წარმომადგენლები, რომლებმაც განიხილეს  ის პროექტები და პროგრამები, რაც ქვეყანაში კრეატიული ინდუსტრიის ხელშესაწყობად კეთდება. შეხვედრის ფორმატი ინტერაქციული სახის იყო, რაც დამსწრეებს საშუალებას აძლევდა მირიამ კატლერთან ერთად ემსჯელათ საქართველოში ინდუსტრიის განვითარების მიმართულებით. 

მირიამ კატლერი ემის ნომინანტი კომპოზიტორია და ნამუშევარი აქვს ოსკარზე ნომინირებულ ათობით ფილმზე. ის ასევე კომპოზიტორთა ლაბის ერთერთი მთავარი მრჩეველია, ფილმის ექსპერტი აშშ-ში,  პროდუსინგი აქვს გაწეული ისეთი ცნობილი ალბომების ავტორებისათვის, როგორებიც არიან ნინა სიმონი და ჯო უილიამსი. მისგან გამოცდილების გაზიარება ქართულ კრეატიულ ინდუსტრიას მისცემს საშუალებას გაეცნოს მთავარ გამოწვევებს, უახლეს ტენდენციებს და დაეხმარება სწორედ განსაზღვრონ მომავალი სამოქმედო კურსი. 

საქართველოში მნიშვნელოვანია აღნიშნული სფეროს განვითარება, რადგან კრეატიულ ინდუსტრიის გაფართოებას უდიდესი დასაქმების პოტენციალი აქვს, რაც ქვეყნის ეკონომიკურ მაჩვენებელზე მკვეთრად აისახება. საქართველოს ინოვაციების და ტექნოლოგიების სააგენტო მუდმივად ზრუნავს სფეროს განვითარებასა და წინსვლაზე. უწევს დახმარებას ინდუსტრიის წარმომადგენლებს და მათ სხვადასხვა ინსტრუმენტებით უწყობს ხელს. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი