"მე ვერ ვიქნები "რუსთავი2"-ის ლობისტი, თუმცა მე ვიქნები "რუსთავი2"-ის დამცველი", - ამის შესახებ საქართველოს პრეზიდენტმა გიორგი მარგველაშვილმა გადაცემა "არჩევანში" განაცხადა.

პრეზიდენტმა ის მიზეზები განმარტა, რის გამოც  მან "მაუწყებლობის შესახებ"   კანონს ვეტო ვერ დაადო.

"ჩვენ გქვონდა კონსლუტაციები, დისკუსიები, მე შევხდვი არხის ხელმძღვანელებს,  გარდა ამისა, ჩემი მრჩევლებიც შეხვდნენ და ვითარება შემდეგია: ის ცვლილებები, რომელიც იყო გაპროტესტებული "რუსთავი2"-ის მიერ , და მას მე დეტალურად გავეცანი და მოვუსმინე, რეალურად ამ ცვლილებების პრობლემატურობა გახმოვანებულ იქნა მხოლოდ "რუსთავი2"-ის მიერ.  სხვა ტელეკომპანიას არ გაუპროტესტებია. მე იმას კი არ ვამბობ, რომ თქვენ მნიშვნელოვანი არ ხართ, უბრალოდ პრეზიდენტის ვეტო არ უნდა გამოდიოდეს  თუნდაც ძალიან კარგი და ძალიან ხარისხიანი კომპანიის ლობირება. ყველას რომ გაეპროტესტებინა, მაშინ ეს იქნებოდა ჟურნალისტიკის პრობლემა. პრეზიდენტის ვეტო არ უნდა ყოფილიყო რომელიღაცა კომპანიის დაცვა.პრეზიდენტის ვეტო უნდა  იყოს დაცვა მედიის.ეს ერთი მომენტი. მეორე, წარმოიდგინეთ ჩემს მიერ ვეტოს დადება იმ რეგულაციაზე, რომელსაც ბოლომდე მხარს ვუჭერ,  როგორც ევროპული სისტემის დანერგვის ერთ-ერთ  სტანდარტს. ძნელი გადასასაბუთებელი იქნებოდა, რომ მე ერთის მხრივ  ვამბობ, რომ ევროპა, ევროკავშირის, ევროპული სტანდარტები ჩვენი მიზანია და მეორეს  მხრივ, დამედო ვეტო იმ რეგულაციაზე, რომელიც იყო სწორედ ევროპული სტანდარტის.მე ვერ დავადებდი ვეტოს კანონს იმის გამო, თუ რატომ ამოქმედდა ის სწრაფად. ეს არ იქნებოდა სწორი. ვერ ვიქნები "რუსთავი2"-ის ლობისტი, მაგრამ მე ვიქნები "რუსთავი2"-ის დამცველი, როცა თქვენ რაიმე პრობლემა შეგექმნებათ. კანონი,  რომელიც თანაბრად ეხება ყველა ტელეკომპანიას, ვერ იქნება აღქმული "რუსთავის2"-ის წინააღმდეგ მიმართულ კანონად",-განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი