დღეს საკუთარ სახლთან მოკლული ბიზნესმენი ბესიკ ხარძიანი კუს ტბის აქციებს ფლობდა.  ის აცხადებდა, რომ ერთ-ერთია იმ ბიზნესმენთაგან, რომლებიც წინა ხელისუფლების პირობებში უსამართლოდ დააკავეს.

"ვანო მერაბიშვილის ბრძანებით ჰეროინი ჩამაყარეს პირში", - ეს განცხადება ბიზნესმენმა ბესო ხარძიანმა გასულ წელს გადაცემა "დიდ პოლიტიკაში" გააკეთა.

ბესო ხარძიანის განცხადებით, რაც პროკურატურა თეა წულუკიანს ჩამოაშორეს, მისი საქმის გამოძიება შეჩერდა. 

“იყო რაღაც ოფშორული კომპანია, რომლის უკან იდგნენ უდესიანი და ქურასბედიანი. მას შემდეგ, რაც ივანიშვილმა განაცხადა, „სასამართლოებს რომ ავცდეთ, იქნებ მოლაპარაკების გზით, ვინც რა წაიღო, დააბრუნოსო“, მე შევხვდი ბატონ ქურასბედიანს. ეს პიროვნება აპირებდა ქონების დაბრუნებას, მაგრამ ერთ მშვენიერ დღეს მითხრა: „ბოდიში, მაგრამ კბილაშვილის პროკურატურასთან „გაიასნებული“ გვაქვსო“. ჩემთვის ამ პროკურატურის დროს არაფერი შეცვლილა. გამოძიება „შემოიდო თაროზე“. სანამ თეა წულუკიანის ქოლგის ქვეშ იყო პროკურატურა, გამოძიება ინტენსიურად მიდიოდა, კმაყოფილიც ვიყავი, მაგრამ რაც ეს უწყება ჩამოაშორეს, იმ დღიდან აღარაფერი გაკეთებულა. დავით ჩხატარაშვილი გია ნაცვლიშვილის მრჩეველი იყო, ასე ამბობენ მოარულად, და როცა ქურასბედიანმა მიხსენა ეს გვარები, მე მას ოჯახში ვესტუმრე, მაგრამ არ დამხვდა. სიდედრ–სიმამრი დამხვდა, მათ დავუტოვე ჩემი სავიზიტო ბარათი და დავუბარე, რომ მას აბრალებდნენ ამ ყველაფერს და დამკავშირებოდა, მაგრამ არ დამკონტაქტებია, ამიტომ ფიცი მწამს, ბოლო მაკვირვებს“. -ამბობდა ხარძიანი
ციხიდან გათავისუფლებული ბესიკ ხარძიანი რადიო „კომერსანტის“ პირდაპირ ეთერში სკანდალურ განცხადებებს აკეთებს. ხარძიანი, რომელიც სასჯელს ნარკოტიკების მოხმარება-გადატანისთვის იხდიდა, საპატრიარქოს თხოვნით შეიწყალეს.

რადიოს ეთერში ის ყვება, რომ მას ჯერ ჯარიმები დააკისრეს, რომელთა გადასახდელად სესხი აიღო, შემდეგ კი „ნაციონალური მოძრაობის“ ერთ-ერთმა წარმომადგენელმა გია უდესიანმა კომპანიის წილში შესვლა მოსთხოვა. თუმცა, მისივე თქმით, ესეც არ იკმარეს, ნარკოტიკები ჩაუდეს და ბოლოს მთელი წილი გადააფორმებინეს. თუმცა, ციხიდან მაინც არ გამოუშვეს. „ორჯერ ისე მცემეს, გონება დავკარგე, ციხის უფროსი მეუბნებოდა, აქედან ვერ გახვალო, ამიტომ დავთანხმდი მთელი წილის გადაფორმებას. თუმცა, მაინც არ გამომიშვეს“, – აცხადებს „კუს ტბის“ ყოფილი მეპატრონე.

თბილისში ბიზნესმენი ბესო ხარძიანი საკუთარ სახლთან ცეცხლსასროლი იარაღით დაჭრეს. მოგვიანებით იგი რესპუბლიკურ საავადმყოფოში გარდაიცვალა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი