სააპელაციო სასამართლოში თბილსერვის ჯგუფის ეპიზოდზე მიმდინარე პროცესზე დედაქალაქის ყოფილი მერი,  ბრალდებული გიგი უგულავა დასკვნითი სიტყვით გამოვიდა.

უგულავას განცხადებით, მას არ ჰქონია განზრახვა,  ადამიანთა დასაქმება პარტიული ნიშნით მომხდარიყო. მისივე თქმით,  ადმინისტრაციული ორგანოსა და პარტიის გამიჯვნა შეიძლებოდა, თუმცა ამისათვის საკმარისად ვერ იმუშავა.

 უგულავა ამბობს,  რომ ცუდია, თუ სახელმწიფო ინსტიტუტში დასაქმებული ადამიანები  მუშაობენ, როგორც მმართველი პარტიის აგიტატორები:

„სამწუხაროდ, ის, რაც მინდოდა რომ კარგად გამოსულიყო, არ გამოვიდა კარგად.  ადამიანს, როდესაც სახელმწიფო უხდის ხელფასს და ის მიდის მოქალაქესთან და პარტიულად ელაპარაკება,  ძალიან ცუდია.  ძალიან ვწუხვარ, რომ ეს ცუდი პრაქტიკა  ვერ ავლაგმე.  ეს ამბავი ასე არ იყო ჩაფიქრებული, მაგრამ ასე გამოვიდა. სახელმწიფო ინსტიტუტში დასაქმებული ადამიანები თუ მუშაობენ, როგორც მმართველი პარტიის აგიტატორები, ეს არის ცალსახად ცუდი. ამას ვემიჯნები იმიტომ, რომ ჩემი პრობლემა არის, მაგრამ არც  სხვას არ ვაბრალებ,"-განაცხადა გიგი უგულავამ.

შეგახსენებთ,  თბილისის საქალაქო სასამართლომ ე.წ. ,,თბილსერვის ჯგუფის ეპიზოდში“   გიორგი უგულავა დამნაშავედ სცნო სამსახურებრივი მდგომარეობის გამოყენებით დიდი ოდენობით სხვისი ნივთის მართლსაწინააღმდეგო გაფლანგვისათვის და 2012 წლის 28 დეკემბრის „ამნისტიის შესახებ“ საქართველოს კანონის საფუძველზე, გიორგი უგულავას საბოლოო სასჯელის სახედ და ზომად  4 წლითა და 6 თვით თავისუფლების აღკვეთა განესაზღვრა. მასვე, დამატებითი სასჯელის სახით 6 თვით ჩამოერთვა სახელმწიფო სამსახურში დანიშვნითი თანამდებობის დაკავების უფლება.

განაჩენი თბილისის სააპელაციო სასამართლოს სისხლის სამართლის საქმეთა პალატაში გაასაჩივრეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირმა ინაშვილი - დავაკავეთ დამნაშავე პოლიციელებიო, სიამაყით რომ წერთ, 4 წლის მანძილზე ამ სადისტებმა კიდევ რამდენი დაკავებული აწამეს

მოსკოვმა ბენზინის გაყიდვებზე შეზღუდვები დააწესა

მივმართავთ ადამიანებს, ვისაც აქვთ სისტემური წამების კადრები, გაასაჯაროვეთ – ალიანსი

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა