კონსტიტუციონალისტის, პარლამენტის ყოფილი წევრის, ვახტან ხმალაძის განცხადებით, თუ საკონსტიტუციო კომისიაში ყველა მოქმედ ნორმაზე დაიწყება მსჯელობა, მაშინ თავმჯდომარის მიერ დადგენილი 4 თვე საკმარისი არ იქნება.

როგორც ხმალაძემ აღნიშნა, ყველა ის ცვლილება, რომელიც კომისიამ უნდა მოამზადოს, საპარლამენტო რესპუბლიკის მიღებას უნდა ემსახურებოდეს.

რაც შეეხება პრეზიდენტის არჩევის წესს, ხმალაძის თქმით, პრეზიდენტის არაპირდაპირი არჩევის წესი საპარლამენტო რესპუბლიკისთვის ბევრად უფრო დამახასიათებელია.

"არის საკითხები, რომლებზეც კომისიამ აუცილებლად უნდა იმსჯელოს და მიიღოს გადაწყვეტილება. ეს საკითხები თავისთავად არის პრობლემური და გამოიწვევს დიდ კამათს, ეს მაგალითად არის პარლამენტის და პრეზიდენტის საარჩეცნო სისტემა. ყველა ის ცვლილება, რომელიც უნდა მოამზადოს კომისიამ უნდა ემსახურებოდეს იმ მიზანს, რომ ჩვენ მივიღოთ კლასიკური, საპარლამენტო რესპუბლიკა, რომელიც საუკუნეებით არის გამოცდილი. მიმაჩნია, რომ საპარლამენტო რესპუბლიკისთვის ბევრად უფრო დამახასიათებელია, პრეზიდენტის არაპირდაპირი არჩევნების წესი, მაგრამ არა პარლამენტის, არამედ ამომრჩეველთა კოლეგიის მიერ არჩეული პრეზიდენტი. ამომრჩეველთა კოლეგია, უნდა შედგებოდეს პარლამენტის წევრებისგან და იმდენივე ტერიტორიული წარმომადგენლობითი არჩეული დელეგატისგან", - განაცხადა ხმალაძემ.

ცნობისთვის, სასტუმრო „რადისონ ბლუ ივერიაში“ სახელმწიფო საკონსტიტუციო კომისიის პირველი სხდომა გაიმართა. სხდომას საპარლამენტო უმრავლესობისა და უმცირესობის, ასევე არასამთავრობო ორგანიზაციების წარმომადგენლები და ექსპერტები დაესწრნენ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხორგუანი: მივმართავ თავდაცვის და უსაფრთხოების კომიტეტს, სასწრაფოდ მოიწვიონ კომიტეტის სხდომა

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი