საქართველოს ყოფილი პრემიერ-მინისტრი ბიძინა ივანიშვილი GDS-ის ახალი სატელევიზიო პროექტის ფარგლებში,  რეგიონულ შეხვედრებს განაგრძობს.

ამჯერად ის  რაჭის მოსახლეობის შეკითხვებს პასუხობს. ერთ-ერთი შკითხვა მთის კანონსა და საპენსიო ასაკის დაწევას შეეხებოდა. ივანიშვილის თქმით, მთის კანონი დასახვეწია და მნიშვნელოვანია, რომ მთაში ხალხი დაბრუნდეს.

ამასთან, ივანიშვილის განმარტებით, საპენსიო ასაკის დაწევაზე სახელმწიფომ უნდა იზრუნოს, თუმცა, მისივე შეფასებით, მთელ საქართველოში საპენსიო ასაკის დაწევა, ალბათ, ვერ მოხდება, რადგან ეს ყველაფერი ბიუჯეტთანაა დაკავშირებული:

"უახლოეს ისტორიაში ქვეყნის მართვის დიდი გამოცდილება არ გვაქვს და უნდა ვისწავლოთ ბიუჯეტის განკარგვა. როგორც ოჯახის ბიუჯეტია, ისევეა ქვეყნის ბიუჯეტი. როდესაც საპენსიო ასაკზეა საუბარი, კითხვა აბსოლუტურად კორექტულია და ამაზე უნდა იზრუნოს სახელმწოიფომ,  რომ ეს ასაკი დაიწიოს. თუმცა, ევროპელები აწევისკენ არიან ძირითადად მიმართული. მთაში ხალხი უნდა დაბრუნდეს. მთაში საპენსიო ასაკის დაწევა შეიძლება განიხილებოდეს და ეს იქნება გაცილებით იოლი, ვიდრე მთელ  საქართველოში, რადგან ეს ყველაფერი კავშირშია ბიუჯეტთან. ძალიან უნდა ვიაქტიუროთ ბიუჯეტის დამტკიცების პროცესში მედიამაც და მოსახლეობამაც",-აღნიშნა ივანიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი