საქართველოს მთვრობის ადმინისტრაციაში, ევროპულ და ევოატლანტიკურ სტრაქტურებში ინტეგრაციის საკითხებში მინისტრის პირველმა მოადგილემ არჩილ ყარაულაშვილმა სახელმწიფო მინისტრის აპარატთან შექმნილ ახალი პლატფორმის - „ახალგაზრდული საბჭო ევროპულ და ევრო-ატლანტიკურ სტრუქტურებში ინტეგრაციის საკითხებში" პირველ სხდომას უმასპინძლა.

სახელმწიფო მინისტრის აპარატის ინფორმაციით, საბჭო წარმოადგენს ახალ საკომუნიკაციო არხს ახალგაზრდულ არასამთავრობო ორგანიზაციებსა (ორგანიზაციები, რომლებიც მუშაობენ ევრო-ატლანტიკური ინტეგრაციის საკითხებზე) და ევრო-ატლანტიკური ინტეგრაციის საკითხებში სახელმწიფო მინისტრის აპარატს შორის, რომლის ერთ-ერთ მიზანს საკომუნიკაციო სტრატეგიის განხორციელების პროცესში ახალგაზრდების ჩართვა და მათთან მუშაობა, პრობლემატიკისა და გამოწვევების შესწავლა და ანალიზი იქნება.

შეხვედრას ესწრებოდნენ არასამთავრობო ორგანიზაციების - "ევროპული ახალგაზრდული ცენტრი", "მომავალ დიპლომატთა კლუბი", "საქართველოს ახალგაზრდა დიპლომატთა კლუბი", "ევროკლუბი", "ევროპულ-ქართული ინსტიტუტი", "ახალგაზრდა ექსპერტთა ასოციაცია", „YAთA საქართველო") და საქართველოს სპორტისა და ახალგაზრდობის საქმეთა სამინისტროს წარმომადგენლები.

საბჭოს შეხვედრაზე მხარეებმა იმსჯელეს თანამშრომლობის განვითარების პერსპექტივებზე და სამომავლო გეგმებზე. ასევე, შეაჯამეს ნატოს კვირეული 2016-ის ფარგლებში რეგიონებში განხორციელებულ საინფორმაციო კამპანია.

უახლოეს მომავალში ახალგაზრდული საბჭოს მუშაობას სხვა ახალგაზრდული ორგანიზაციებიც შემოუერთდებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს