5 აგვისტოს ღამეს, რუსეთის ძალებმა კიევის რეგიონზე მასშტაბური შეტევა წამოიწყეს ბალისტიკური რაკეტებისა და თავდასხმის დრონების გამოყენებით, რის შედეგადაც 14 ადამიანი დაიღუპა და 27 დაშავდა.

ინფორმაციას ავრცელებენ სახელმწიფო საგანგებო სიტუაციების სამსახური, კიევის რეგიონული სახელმწიფო ადმინისტრაციის ხელმძღვანელი, ტიმურ ტკაჩენკო

„ყველაზე მეტი მსხვერპლი ბროვარის რაიონშია, სადაც ცხრა ადამიანი დაიღუპა. ბუჩას რაიონში მტერმა კიდევ ოთხი მშვიდობიანი მოქალაქე მოკლა. კიდევ ერთი ადამიანი ფასტივის რაიონში დაიღუპა“.

მისი თქმით, ბროვარის რაიონში 12 ადამიანი დაშავდა, ფასტივის რაიონში სამი, ხოლო ბუჩას რაიონში შვიდი.

მაშველები მტრის თავდასხმის შედეგებს რეგიონის სამი რაიონის შვიდ ადგილას უმკლავდებიან: ოთხი ბროვარიში, ორი ბუჩაში და ერთი ფასტივში.

ბროვარის რაიონში მასშტაბური ხანძარი გაჩნდა ბროვარის, ველიკა დიმერკას, კვიტნევეს და პობედას საწყობებში.

ფასტივის რაიონში მაშველებმა კომპანიაში ავტომობილის ხანძარი ჩააქრეს.

ბუჩას რაიონში, სოფელ ჩაიკის საწყობში ხანძრის ქრობა გრძელდება. სოფიევსკა ბორშაჰივკაში, ლოჯისტიკურ ობიექტში ხანძარი უკვე ჩამქრალია.

5 აგვისტოს ღამით, რუსეთის საოკუპაციო ძალებმა კიევის რეგიონზე ბალისტიკური რაკეტებისა და თავდასხმის დრონების გამოყენებით მასშტაბური, კომბინირებული შეიარაღების შეტევა დაიწყეს. ერთი ადამიანი დაიღუპა და 21 დაშავდა.

ავტორი: მარიამ იმერლიშვილი, ექსპრესნიუსის რეპორტიორი 2020 წლიდან

სოციალური ქსელები

"საქართველოში იმყოფება კანონიერი საფუძვლის გარეშე" - შსს უნგრელი ჟურნალისტის დაკავებაზე

მოქალაქეები ისევ დენის გათიშვის შესახებ იუწყებიან

ბათუმში ავარიის შედეგად 2 ადამიანი დაშავდა

ენმ-ში ყრილობა დასრულდა, შეიქმნა დროებითი მმართველობის საბჭოს ორგანო, ფავლენიშვილის ხელმძღვანელობით