საქართველოს ეროვნულმა ბანკმა განაცხადა, რომ ქვეყნის კომერციული ბანკები „თელასის“ მომსახურებას ეროვნულ ვალუტაში, ლარში გააგრძელებენ. განცხადება გაკეთდა ევროკავშირის მიერ რუსეთის წინააღმდეგ სანქციების 21-ე პაკეტის მიღების ფონზე, კერძოდ, „ინტერ რაოს“ წინააღმდეგ, რომელიც ირიბად ფლობს „თელასის“, „თელმიკოს“ და „ხრამი 1“-ისა და „ხრამი 2“-ის ჰიდროელექტროსადგურებს.

„თელასის“ ენერგეტიკული აქტივები სანქციებს არ ექვემდებარება. ეროვნულმა ბანკმა ხაზგასმით აღნიშნა, რომ კომპანია წლების განმავლობაში ამარაგებდა ქვეყანას ელექტროენერგიით და სასიცოცხლოდ მნიშვნელოვან სერვისად ითვლება, რის გამოც მისი შეუფერხებელი ფუნქციონირება უნდა შენარჩუნდეს.

„საერთაშორისო სანქციების მოთხოვნების გათვალისწინებით, საქართველოს ეროვნული ბანკი, თავისი კომპეტენციის ფარგლებში, იყენებს შესაბამის მიდგომებს სანქციების რეჟიმის დაცვისა და კრიტიკული მომსახურების უწყვეტობის უზრუნველსაყოფად.

სანქციებთან დაკავშირებული საკითხების განხილვისას ასევე გათვალისწინებულია კონკრეტული გარემოებები, მათ შორის ტრანზაქციების ხასიათი და მიზანი. ამ მხრივ, ბანკები გააგრძელებენ სს „თელასის“ მომსახურებას ეროვნულ ვალუტაში, სანქციების მოქმედი მოთხოვნების, ეროვნული ბანკის რეგულაციების, საკუთარი პოლიტიკისა და შიდა რისკების შეფასების პროცედურების შესაბამისად“, - ნათქვამია განცხადებაში.

ავტორი: გიორგი ბაზაევი, ექსპრესნიუსის რეპორტიორი 2010 წლიდან

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი