ჩუღურეთის რაიონში საგზაო ინფრასტრუქტურის მოწესრიგება ინტენსიურ რეჟიმში მიმდინარეობს. ბენაშვილის ქუჩაზე 2000 კვადრატულ მეტრზე, ასფალტის საფარი დაიგება, მოეწყობა ბორდიურები.

როგორც „ექსპრესნიუსს“ თბილისის მერიიდან აცნობეს, კიდევ ერთი ობიექტი, სადაც საგზაო სამუშაოები ტარდება, ვეშაპურის ქუჩაა. 1000  კვადრატულმეტრტერიტორიაზემიმდინარეობს ბაზალტის ფილების დაგება. პროექტის ფარგლებში, მოწესრიგდა სანიაღვრე სისტემა - შეიცვალა კომუნიკაციები.

მათივე ინფორმაციით, რაიონში მიმდინარე სამუშაოებს დავით ნარმანია პირადად გაეცნო. თბილისის მერის განცხადებით, ჩუღურეთში წლების განმავლობაში დაგროვილი პრობლემები გვარდება.

„ჩუღურეთის რაიონში ათეულობით წლების განმავლობაში დაგროვილი პრობლემების მოგვარება ხდება:  ვაგებთ გზებს, მიმდინარეობს სანიაღვრე სისტემის მოწესრიგება, კეთდება სათამაშო მოედნები ბავშვებისთვის, ტროტუარები, მაგრდება ავარიული სახლები. მაქსიმალურად ვეხმარებით მოსახლეობას იმისათვის, რომ უკეთესი პირობები ჰქონდეთ და ის რაც დავპირდით, შევასრულოთ ბოლომდე, ამიტომაც კვლავაც აქტიურად გავაგრძელებთ მუშაობას იმისათვის, რომ თითოეულ ჩვენს მოქალაქეს ჰქონდეს უკეთესი საცხოვრებელი პირობები,“ - განაცხადა თბილისის მერმა დავით ნარმანიამ.

ჩუღურეთის რაიონში დასრულდა სამუშაოები აჭარის ქუჩაზეც,5600 კვ.მ ფართობზე. დგებუაძის N1-ში კი,თანადაფინანსებული პროექტების ფარგლებში, გამოიცვალა წყალკანალიზაციის სისტემა, დასრულდა 5 სადარბაზოს რემონტი. უახლოეს დღეებში დაიწყება ლიფტების რეაბილიტაცია. მოეწყო ახალი სტადიონი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს