სამშაბათს, ჩინეთში სი ძინპინთან მოლაპარაკებებისთვის გამგზავრებამდე, ჟურნალისტებთან საუბრისას, პრეზიდენტმა დონალდ ტრამპმა უარყო რუსეთის პრეზიდენტ ვლადიმერ პუტინთან დონბასის რუსეთისთვის დათმობასთან დაკავშირებით რაიმე შეთანხმების არსებობა. როდესაც რეპორტიორმა ჰკითხა, იყო თუ არა ასეთი „გაგება“ ორ ლიდერს შორის, ტრამპმა უპასუხა „არა“, თუმცა დეტალები არ დაუკონკრეტებია. კრემლმა ადრე განაცხადა, რომ კიევთან სამშვიდობო მოლაპარაკებების გაგრძელების მთავარი პირობა დონეცკისა და ლუგანსკის მთელი რეგიონებიდან უკრაინული ჯარების გაყვანა იყო.

ტრამპმა ასევე განაცხადა, რომ მსოფლიოში მხოლოდ ორ ქვეყანას მიიჩნევს ზესახელმწიფოდ: აშშ-ს და ჩინეთს, რომლებთანაც ვაშინგტონს „ძალიან ძლიერი ურთიერთობა“ აქვს. მან თქვა, რომ შეერთებული შტატები „დედამიწაზე სამხედრო თვალსაზრისით ყველაზე ძლიერი ქვეყანაა, ხოლო ჩინეთი მეორე ძლიერად ითვლება“. „ჩვენთან ახლოსაც კი არავინ მოდის. და ეს ჩანს, იქნება ეს ვენესუელა თუ ირანი“, - ხაზგასმით აღნიშნა თეთრი სახლის ხელმძღვანელმა.

გარდა ამისა, ამერიკის პრეზიდენტმა არ გამორიცხა წელს რუსეთში ვიზიტი. „ეს შესაძლებელია“, - უპასუხა მან ამ საკითხთან დაკავშირებით ჟურნალისტის კითხვას. ტრამპმა ასევე თქვა, რომ „ყველაფერს გააკეთებს“, რათა უკრაინაში სამშვიდობო შეთანხმებას მიაღწიოს. თეთრი სახლის უფროსმა გამოთქვა რწმენა, რომ კრემლის მიერ დაწყებული ომი დასასრულს უახლოვდება. „ვფიქრობ, რუსეთსა და უკრაინას შორის შეთანხმებას მივაღწევთ“, - განაცხადა ტრამპმა.

ავტორი: ექსპრესნიუსი,

სოციალური ქსელები

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს

პროკურატურამ ფორმულას მიმართ აღძრულ საქმეზე გამოკითხვაზე ჟურნალისტი ნატუკა ლომაძე დაიბარა

მინდია შერვაშიძე ციხიდან გამოსვლისთანავე 500 ლარით დააჯარიმეს

კობახიძე: მიუხედავად წარმოქმნილი გამოწვევებისა, კვლავაც გვწამს, რომ დადგა დრო, გადავტვირთოთ აშშ-სთან სტრატეგიული პარტნიორობა