2025 წელს იმ მძღოლების რაოდენობა, რომლებსაც მართვის მოწმობაზე 100-ვე ქულა ამოეწურათ, გასამმაგდა. კერძოდ, 2025 წლის განმავლობაში მართვის მოწმობაზე ქულები 560 პირს ამოეწურა. მათ შორის ყველაზე მეტი - 206 მსგავსი შემთხვევა თბილისში დაფიქსირდა. ამის შესახებ შსს-ის ოფიციალურ სტატისტიკური მონაცემებიდან ირკვევა.

ხოლო იმ პირების რაოდენობამ, რომლებსაც დააკლდათ მართვის მოწმობის ქულები, ჯამში 354 804 შეადგინა. ამის საპირისპიროდ, არცერთი ქულა არ დაჰკლებია და 100-ვე ქულა შეინარჩუნა 1 197 665-მა მძღოლმა.

აღსანიშნავია, რომ 2024 წელს ქულების დაკლების ან სრულად ამოწურვის შემთხვევები გაცილებით ნაკლები იყო. კერძოდ, შსს-ის სტატისტიკით, 2024 წელს, ჯამში, მხოლოდ 184 პირს ამოეწურა მართვის მოწმობაზე მინიჭებული 100 ქულა, ხოლო ქულების დაკლების შემთხვევები 274 710 იყო. რაც შეეხება იმ პირებს, რომლებმაც მოახერხეს სრულად შეენარჩუნებინათ მართვის მოწმობაზე 100 ქულა - 1 276 790 იყო.

ცნობისთვის, მართვის მოწმობის ჯამური ქულა 100-ია, რომლის შენარჩუნებასაც მძღოლი წლის განმავლობაში ცდილობს. ქულები სხვადასხვა დარღვევებზე განსხვავებულია და წლის განმავლობაში სამართალდარღვევებზე შესაბამისი ქულები აკლდება. წინა წელს დარჩენილი ქულები არ ინახება და არც ემატება ახალი წლიდან დარიცხულ 100 ქულას.

ქულების განულების შემთხვევაში, მძღოლს მართვის უფლება უწყდება, გამოცდას აბარებს ან ელოდება 12 თვის გასვლას. აღნიშნული სისტემა 2017 წლიდან მოქმედებს.

ავტორი: ექსპრესნიუსი,

სოციალური ქსელები

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“

მდინარაძე: ტრადიციული ღირებულებები ქართული საზოგადოების მთავარი ორიენტირია

ცოტნე ივანიშვილი აცხადებს, რომ ძალადობას გმობს, თუმცა არ არის იმ პოზიციაში, რომ რაიმე ქმედითი გააკეთოს

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება