აშშ-ის პრეზიდენტმა დონალდ ტრამპმა შაბათს განაცხადა, რომ მისი ადმინისტრაცია მზადაა დაეხმაროს ირანში მომიტინგეებს თავისუფლების მოპოვებაში.

ტრამპმა ეს თავის Truth Social ანგარიშზე დაწერა.

ტრამპმა მიანიშნა, რომ აშშ შეიძლება ჩაერიოს იმ მომიტინგეების სახელით, რომელთა წინააღმდეგაც ირანის რეჟიმი ძალას იყენებს.

„ირანი თავისუფლებას ეძებს, შესაძლოა ისე, როგორც არასდროს. აშშ მზადაა დასახმარებლად!!!“ - წერს თეთრი სახლის ხელმძღვანელი.

ტრამპმა ბოლო კვირის განმავლობაში რამდენჯერმე განაცხადა, რომ სამხედრო ძალას გამოიყენებს, თუ ირანის რეჟიმი მომიტინგეების წინააღმდეგ ძალას გამოიყენებს.

„ჩვენ ძალიან ყურადღებით ვაკვირდებით სიტუაციას. მე ძალიან ნათლად განვაცხადე, რომ თუ ისინი ადამიანების მოკვლას დაიწყებენ, როგორც ეს წარსულში გააკეთეს, ჩვენ ჩავერიებთ... ეს არ ნიშნავს, რომ ჯარებს გავგზავნით, მაგრამ ეს ნიშნავს, რომ მათ ძალიან ძლიერად დავარტყამთ იქ, სადაც ძალიან მტკივნეულია“, - განუცხადა ტრამპმა ჟურნალისტებს პარასკევს.

ადამიანის უფლებათა დამცველი ორგანიზაციის, Human Rights Defenders in Iran-ის ცნობით, პარასკევის საღამოს მონაცემებით, საპროტესტო აქციებში სულ მცირე 65 ადამიანი დაიღუპა.

„Wall Street Journal“-ის ცნობით, აშშ-ის პრეზიდენტის ადმინისტრაციის წარმომადგენლებმა წინასწარი მოლაპარაკებები გამართეს ირანის წინააღმდეგ შესაძლო სამხედრო ქმედებებთან დაკავშირებით, საპროტესტო აქციების სისხლიანი დარბევის გამო.

ევროკომისიის პრეზიდენტმა ურსულა ფონ დერ ლაიენმა განაცხადა, რომ ევროკავშირი სრულად უჭერს მხარს ირანში მთავრობის საწინააღმდეგო საპროტესტო აქციებს.

ირანში საპროტესტო აქციები 28 დეკემბრიდან მიმდინარეობს, რაც ეროვნული ვალუტის კრახსა და მასობრივ ინფლაციას უკავშირდება.

ავტორი: ექსპრესნიუსი,

სოციალური ქსელები

სტამბოლში სტენდაფ კომიკოსი ერდოღანზე ხუმრობის გამო დააკავეს

რუსეთის ბენზინგასამართ სადგურებზე რიგები ახლა კოსმოსიდანაც ჩანს

ნავთობგადამამუშავებელი ქარხნების დაბომბვებმა ნავთობისა და გაზის ბიუჯეტის შემოსავლები ტრილიონი რუბლით შეამცირა

ოკუპირებული ცხინვალის რეგიონის „საპრეზიდენტო“ არჩევნების ე.წ. ვადამდელი თარიღად 18 სექტემბერი დადგინდა