თეთრმა სახლმა აშშ-ის ეროვნული უსაფრთხოების სტრატეგიის სავარაუდო პროექტის შესახებ მედიის ინფორმაციას „ყალბი ამბები“ უწოდა.

„ევროპული პრავდას“ ცნობით, თეთრი სახლის პრესმდივნის მოადგილემ, ანა კელიმ, ეს განცხადება PAP-თან კომენტარში გააკეთა.

ერთი დღით ადრე, ამერიკულმა პორტალმა Defense One-მა გაავრცელა ინფორმაცია თეთრი სახლის ეროვნული უსაფრთხოების სტრატეგიის გამოუქვეყნებელი ვერსიის არსებობის შესახებ, რომელიც შეიცავს დაგეგმილი ქმედებების უფრო დეტალურ აღწერას, განსაკუთრებით ევროკავშირთან მიმართებაში.

მედიის ცნობით, სტრატეგიის გამოუქვეყნებელი ვერსია აშშ-ის პოლიტიკას ევროპის მიმართ რამდენიმე ქვეყანასთან თანამშრომლობაზე ამახვილებდა ყურადღებას, „მათი ევროკავშირიდან გადამისამართების მიზნით“. ამ ქვეყნებში შედიოდნენ პოლონეთი, ავსტრია, უნგრეთი და იტალია.

სტრატეგიის გამოუქვეყნებელი ვერსია ასევე ითვალისწინებს ახალი საერთაშორისო თანამშრომლობის ფორმატის, სახელწოდებით Core 5 (C5), შექმნას, რომელიც მოიცავს აშშ-ს, ჩინეთს, რუსეთს, ინდოეთს და იაპონიას - ევროკავშირის ან მისი რომელიმე წევრი ქვეყნის მონაწილეობის გარეშე.

თეთრი სახლის პრესმდივანმა ეროვნული უსაფრთხოების სტრატეგიის გაფართოებული ვერსიის შესახებ ინფორმაციას „ყალბ ამბებს“ უწოდა.

„პრეზიდენტის ეროვნული უსაფრთხოების სტრატეგია, რომელიც გამოქვეყნდა თეთრი სახლის ვებსაიტზე, დაამტკიცა პრეზიდენტმა, გადაეცა მის კაბინეტს, გავრცელდა დეპარტამენტებსა და სააგენტოებში და წარედგინა კონგრესს. არ არსებობს ალტერნატიული, კონფიდენციალური ან კლასიფიცირებული ვერსია“, - განუცხადა მან PAP-ს.

5 დეკემბერს შეერთებულმა შტატებმა გამოაქვეყნა თავისი ახალი ეროვნული უსაფრთხოების სტრატეგია. მასში ხაზგასმულია, რომ აშშ-ის პოლიტიკა ევროპის მიმართ უნდა იყოს ორიენტირებული რუსეთთან ურთიერთობებში სტრატეგიული სტაბილურობის დაბრუნებაზე, ევროპისთვის საკუთარი თავდაცვისთვის მეტი პასუხისმგებლობის მინიჭებასა და ნატოს შემდგომი გაფართოების თავიდან აცილებაზე.

ევროპამ კრიტიკულად უპასუხა დოკუმენტის შინაარსს.

ავტორი: ექსპრესნიუსი,

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები