უკრაინის პრეზიდენტმა ვოლოდიმირ ზელენსკიმ რუსეთის ტერიტორიის სიღრმეში ახალი შორი დისტანციის დარტყმების შესახებ განაცხადა. მან ეს განცხადება უკრაინის შეიარაღებული ძალების მთავარსარდალთან, ალექსანდრ სირსკისთან შეხვედრის შემდეგ გააკეთა.

„ჩვენ გავაგრძელებთ აქტიურ მოქმედებებს ზუსტად ისე, როგორც საჭიროა უკრაინის დასაცავად. ძალები და საშუალებები მზად არიან. ჩვენ ასევე დავგეგმეთ ახალი ღრმა დარტყმები“, - დაწერა ზელენსკიმ Telegram-ში.

უკრაინის პრეზიდენტმა არ დააკონკრეტა, თუ რა იარაღი იქნება გამოყენებული ამ დარტყმების განსახორციელებლად.

რამდენიმე დღის წინ ცნობილი გახდა, რომ აშშ-ის სახელმწიფო დეპარტამენტმა დაამტკიცა უკრაინისთვის 3350-მდე ERAM რაკეტის გაყიდვა, რომელთა მოქმედების რადიუსი 450 კილომეტრამდეა. მოსალოდნელია, რომ რაკეტები შესაძლოა უკრაინული არმიისთვის ხელმისაწვდომი იყოს ამ შემოდგომაზე. ჯერ კიდევ გაურკვეველია, დაუშვებს თუ არა აშშ მათ გამოყენებას რუსეთის საერთაშორისოდ აღიარებულ ტერიტორიაზე დარტყმებისთვის.

ზელენსკიმ 20 აგვისტოს განაცხადა, რომ უკრაინამ წარმატებით გამოსცადა საკუთარი „ფლამინგო“ ტიპის ფრთოსანი რაკეტა, რომლის მოქმედების რადიუსი სამ ათას კილომეტრამდეა. მისი თქმით, ამ რაკეტების მასობრივი წარმოება შესაძლოა ექვს თვეში დაიწყოს.

ავტორი: ექსპრესნიუსი,

სოციალური ქსელები

უილსონი - დიქტატორ ხამენეის დაკრძალვაზე ამერიკის ყველაზე უარესი მოძულეები იკრიბებიან, ოცნების ყალბი პრეზიდენტი ყაველაშვილი ცერემონიალზე დასწრებას გეგმავს

კიევზე რუსული ავიაციის მიერ განხორციელებული იერიშის შედეგად დაღუპულთა რიცხვი 30-მდე გაიზარდა, დაიჭრა 90

თინა ბოკუჩავა – მქონდა ძალიან სერიოზული სინდისის ქენჯნა, რომ ხაბეიშვილის შეცვლის მიზეზად დასახელდა ჯანმრთელობის მდგომარეობა, რაც არ იყო რეალური

კახა კალაძე: „ნაციონალურ მოძრაობას“ პოლიტიკურ პარტიასაც ვერ ვუწოდებ