საქართველოს მეხუთე პრეზიდენტის, სალომე ზურაბიშვილის განცხადებით, დემოკრატიული პრინციპების დაცვა დღეს აბუჩად არის აგდებული „ქართული ოცნების“ მიერ.

სალომე ზურაბიშვილმა დღევანდელ ბრიფინგზე საზოგადოებას საფრანგეთსა და ჩეხეთში გამართული ვიზიტების შესახებ მიაწოდა ინფორმაცია და განმარტა, რომ პარტნიორებმა ქართული საზოგადოების მიმართ ძალიან დიდი მხარდაჭერა გამოხატეს.

„იცით, რომ მე ვიყავი საფრანგეთსა და ჩეხეთის რესპუბლიკაში. ორივე ადგილას ვიყავი, როგორც ამ წინააღმდეგობის პლატფორმის წარმომადგენელი. შეხვედრებზე გავაცანი ინფორმაცია, ახალი პლატფორმა როგორ აპირებდა მუშაობას. ალბათ, თქვენ თვითონ ნახეთ კადრები ორივე შეხვედრიდან. საფრანგეთში ძალიან დიდი მხარდაჭერა იყო გამოხატული საზოგადოებისგან და ეს არის ძალიან მნიშვნელოვანი. ეს იყო საზოგადოებრივი, დიდი ფორუმი დემოკრატიის დაცვის გზაზე. სწორედ ეს დემოკრატიული პრინციპების დაცვა დღეს არის აბუჩად აგდებული „ქართული ოცნების“ მიერ”, - განაცხადა ზურაბიშვილმა.

მისი განმარტებით, ჩეხეთში, სენატის წინაშე სიტყვით გამოსვლისას საქართველოში არსებულ მდგომარეობაზე ისაუბრა. სალომე ზურაბიშვილის განცხადებით, ჩეხეთში დიდი მხარდაჭერა გამოხატეს და „ფეხზე წამოდგომით მიაგეს პატივი 9 აპრილის დროს დაღუპულთა ხსოვნას“.

„მათ არ ეშლებათ, ვინ იყო „როდიონოვი“, რას წარმოადგენდა. ძალიან კარგად იციან იმ ადამიანების ფასი, რომლებიც თავისუფლებას და დემოკრატიას რუსული, სასტიკი ჯარების წინააღმდეგ იცავდნენ. ის, რომ ჩვენთან ეს ვიღაცას ეშლება, ენა უბრუნდება და შეუძლია შეადაროს როდიონოვი და ის ჯარისკაცები, რომლებიც ხოცავდნენ ახალგაზრდებს ჩვენს დღევანდელ ახალგაზრდებთან, დარწმუნებული ვარ, ეს ჩემთვის და საზოგადოების ძალიან დიდი ნაწილისთვის წარმოუდგენელია“,-განაცხადა ზურაბიშვილმა.

მან აღნიშნა, რომ საერთაშორისო საზოგადოების მხრიდან მხარდაჭერა კიდევ უფრო რეალური და აქტიური ხდება. სალომე ზურაბიშვილმა დაასახელა ევროსაბჭოს საპარლამენტო ასამბლეის მიერ მიღებული რეზოლუცია, სადაც ნათქვამია, რომ საქართველოში ვითარება კიდევ უფრო გაუარესდა.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს