„ერთიანობა - ნაციონალური მოძრაობის“ გენერალური მდივნის მოადგილის ირაკლი ფავლენიშვილის განცხადებით, ადამიანებს, რომლებიც დემოკრატიისთვის ძირის გამოთხრაზე ეკისრებათ პასუხისმგებლობა, უნდა იცოდნენ,რომ სანქციებს გვერდს ვერ აუვლიან.

ფავლენიშვილმა დიდი ბრიტანეთის მიერ დაწესებული სანქციები შეაფასა და აღნიშნა, რომ წამება, არაადამიანური მოპყრობა სანქციების დაწესების მიზეზი გახდა.

„არაადამიანური მოპყრობა, წამება და დემოკრატიისთვის ძირის გამოთხრა არის ლეგიტიმური საფუძველი იმისა, რომ იმ ადამიანების დასანქცირება მოხდეს, რომლებიც ამ პროცესებში არიან ჩართული. როდესაც ვსაუბრობთ ივანიშვილის ე.წ. ძალოვანი სტრუქტურის თანამშრომლებზე, ესენი არიან ის ადამიანები, რომელიც ამ ყველაფრის ორგანიზატორი და უშუალო აღმსრულებელი არიან. ბუნებრივია, რომ მათი დასანქცირება ხდება დასავლური სამყაროს, მათ შორის დიდი ბრიტანეთის მიერ. დიახ, მათ უნდა იცოდნენ, რომ ვერ მოახერხებენ თავის არიდებას ამ სანქციებისგან, ხოლო ის ადამიანები, რომლებიც დაეხმარებიან მათ სანქციებისგან გვერდის ავლაში, ასევე სანქცირებულები იქნებიან. ეს არის იმის შედეგი, რომ საქართველოში ამ ხალხმა დიქტატურის დამყარება განიზრახა“,- განაცხადა ფავლენიშვილმა.

მისი განმარტებით, ყველამ იხილა ფაქტები, როგორ აწამებდნენ ქუჩაში ადამიანებს, როგორ ეპყრობოდნენ მათ არაადამიანურად და უმიზეზოდ აკავებდნენ.

„როდესაც დემოკრატიას ძირს უთხრი, ადამიანების წამებაში და არაადამიანურ მოპყრობაში სისტემურად მონაწილეობ, დასავლურ სამყაროში ეს ხდება ლეგიტიმური მიზეზი იმისა, რომ დასანქცირდნენ“,-განაცხადა ფავლენიშვილმა.

ცნობისთვის, გაერთიანებული სამეფოს მთავრობამ ადამიანის უფლებების გლობალური სანქციების რეჟიმის ფარგლებში ოთხი პირი დაასანქცირა. გაერთიანებული სამეფოს მთავრობის განცხადებით, სანქციების ეს პაკეტი მიმართულია საქართველოს ოფიციალური პირების მიმართ, რომლებიც პასუხისმგებელნი არიან ადამიანის უფლებების სერიოზულ დარღვევებზე, 2020 წლის ადამიანის უფლებების გლობალური სანქციების რეგულაციის თანახმად.

სანქციები დაუწესდათ გენერალურ პროკურორს გიორგი გაბიტაშვილს, შს მინისტრის მოადგილეს შალვა ბედოიძეს, განსაკუთრებულ დავალებათა დეპარტამენტის დირექტორის მოადგილე მირზა კეზევაძესა და სპეციალური საგამოძიებო სამსახურის უფროსს კარლო კაციტაძეს. სანქციები ითვალისწინებს აქტივების გაყინვას, დირექტორის დისკვალიფიკაციის სანქციასა და სამოგზაურო აკრძალვას.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს